நெல்லை, தூத்துக்குடி, தென்காசியில் புதிதாக 63 பேருக்கு கொரோனா

நெல்லை:

நெல்லை மாவட்டத்தில் கொரோனா பாதிப்பு நாளுக்கு நாள் குறைந்து வருகிறது. நேற்று 39 பேருக்கு தொற்று உறுதி செய்யப்பட்டு உள்ளது. இதில் நெல்லை மாநகர பகுதியை சேர்ந்தவர்கள் 11 பேர், பாளையங்கோட்டை யூனியன் பகுதியை சேர்ந்தவர்கள் 8 பேர் அடங்குவர். இதுதவிர அம்பை, வள்ளியூர், சேரன்மாதேவி, களக்காடு ஆகிய பகுதிகளை சேர்ந்தவர்களும் கொரோனா தொற்றால் பாதிக்கப்பட்டுள்ளனர். நெல்லை மாவட்டத்தில் கொரோனாவால் பாதிக்கப்பட்டவர்கள் எண்ணிக்கை 13 ஆயிரத்து 977-ஆக உள்ளது.

தென்காசி மாவட்டத்தில் நேற்று 7 பேர் பாதிக்கப்பட்டனர். அவர்கள் தென்காசி, செங்கோட்டை ஆகிய பகுதிகளைச் சேர்ந்தவர்கள் ஆவார்கள். இந்த மாவட்டத்தில் கொரோனா பாதிப்பு 7,759-ஆக உள்ளது.

தூத்துக்குடி மாவட்டத்தில் பல்வேறு பகுதிகளை சேர்ந்த 17 பேர் நேற்று கொரோனாவால் பாதிக்கப்பட்டு உள்ளனர். இதனால் இந்த மாவட்டத்தில் பாதிக்கப்பட்டவர்கள் எண்ணிக்கை 14 ஆயிரத்து 593-ஆக உள்ளது. இதில் 13 ஆயிரத்து 964 பேர் முழுமையாக குணமடைந்து உள்ளனர். மாவட்டத்தில் உள்ள அரசு ஆஸ்பத்திரிகள் மற்றும் வீடுகளில் 507 பேர் தொடர்ந்து சிகிச்சை பெற்று வருகின்றனர். மாவட்டத்தில் இதுவரை 126 பேர் கொரோனா பாதிப்பு காரணமாக இறந்து உள்ளனர்.