ஆரணி அருகே முன்னாள் ராணுவ வீரர் விபத்தில் பலி

ஆரணி:

ஆரணியை அடுத்த விநாயகபுரம் பகுதியை சேர்ந்தவர் ஜெயவேல். முன்னாள் ராணுவ வீரர். இவர் தனது மோட்டார் சைக்கிளில் நேற்று முன்தினம் இரவு ஆரணிக்கு வந்துவிட்டு மீண்டும் மோட்டார் சைக்கிளில் ஊர் திரும்பிக்கொண்டிருந்தார்.

ஆரணி-வந்தவாசி சாலையில் பல்லாந்தாங்கல் அருகே சென்றபோது ஆஸ்திவேல் என்பவர் சென்ற சைக்கிளில் இவரது மோட்டார் சைக்கிள் மோதியது. இதில் ஜெயவேல் தூக்கி வீசப்பட்டு சம்பவ இடத்திலேயே பரிதாபமாக இறந்தார்.

படுகாயம் அடைந்த ஆஸ்திவேல் ஆரணி அரசு மருத்துவமனையில் சேர்க்கப்பட்டார். பின்னர் அவர் மேல் சிகிச்சைக்காக வேலூர் அடுக்கம்பாறை அரசு மருத்துவமனையில் சிகிச்சைக்காக சேர்க்கப்பட்டார். விபத்து குறித்து ஆரணி தாலுகாஅவர் போலீஸ் இன்ஸ்பெக்டர் ஜெயப்பிரகாஷ், சப்-இன்ஸ்பெக்டர் விநாயகம் ஆகியோர் வழக்குப்பதிவு செய்து விசாரணை நடத்தி வருகின்றனர்.