செய்திகள்
கோப்பு படம்

சிறுமிக்கு பாலியல் தொல்லை: கோவையில் சப்-இன்ஸ்பெக்டர் போக்சோவில் கைது

Published On 2020-03-19 11:53 GMT   |   Update On 2020-03-19 11:53 GMT
சிறுமிக்கு பாலியல் தொல்லை கொடுத்ததாக கோவையில் சப்-இன்ஸ்பெக்டர் போக்சோவில் கைது செய்யப்பட்டு விசாரணை நடத்தப்பட்டு வருகிறது,
கோவை:

கேரள மாநிலம் பாலக்காடு மாவட்ட காவல் கட்டுப்பாட்டு அறையில் சப்-இன்ஸ்பெக்டராக உள்ளவர் நவீன் (வயது 41). கடந்த பிப்ரவரி 14-ந்தேதி அங்குள்ள பஸ் நிலையத்தில் நின்ற சிறுமியிடம் சப்-இன்ஸ்பெக்டர் நவீன் ஆபாசமாக பேசி, செல்போனில் ஆபாசப்படத்தை காண்பித்து தொல்லை கொடுத்தார்.

இதில் அதிர்ச்சியடைந்த சிறுமி அங்கிருந்து ஓடிச்சென்று பெற்றோரிடம் அழுது கொண்டே கூறினார். பெற்றோர் கசம்பா போலீசில் புகார் செய்தனர். இதனையடுத்து சப்-இன்ஸ்பெக்டர் நவீன் தலைமறைவானார். இது குறித்து போலீசார் வழக்குப்பதிவு செய்து சைபர் கிரைம் போலீசார் உதவியுடன் தேடி வந்தனர்.

இந்நிலையில் அவர் சேலத்தில் உள்ள ஒரு ஏ.டி.எம்.மில் பணம் எடுத்தது தெரியவந்தது. இதனையடுத்து அவரது வங்கி கணக்கை போலீசார் முடக்கினர்.

சப்-இன்ஸ்பெக்டர் நவீன் கோவை ஆனைமலையில் பதுங்கிருந்தது தெரியவந்தது. இதனையடுத்து ஆனைமலை வந்த கேரள போலீசார் நவீனை பிடித்து போக்சோ சட்டத்தில் கைது செய்தனர்.
Tags:    

Similar News