செய்திகள்
முக ஸ்டாலின் - கி வீரமணி

87-வது பிறந்தநாள்: கி.வீரமணிக்கு மு.க.ஸ்டாலின் வாழ்த்து

Published On 2019-12-02 08:45 GMT   |   Update On 2019-12-02 08:45 GMT
திராவிடர் கழகத்தலைவர் கி.வீரமணியின் பிறந்தநாளை முன்னிட்டு அவருக்கு திமுக தலைவர் மு.க.ஸ்டாலின் வாழ்த்து தெரிவித்துள்ளார்.
சென்னை:

திராவிடர் கழகத்தலைவர் கி.வீரமணியின் பிறந்தநாளை முன்னிட்டு அவருக்கு தி.மு.க. தலைவர் மு.க.ஸ்டாலின் தனது டுவிட்டர் பக்கத்தில் வாழ்த்து தெரிவித்துள்ளார். அதில் கூறியிருப்பதாவது:-

பத்து வயதில், திராவிட இயக்கத்தின் திருஞான சம்பந்தராக, அறிவொளியினால் ஆர்வம் மிகக் கொண்டு, மேடையில் முழங்கத் தொடங்கி, 87 வயதிலும் சுறுசுறுப்பான சுயமரியாதை இளைஞராய், இன-மொழி எழுச்சியூட்ட, நாள்தோறும் வலம் வருகிறார்.

அவர், சமூக நீதியின் சமரசமற்ற காவலர்; தமிழினத்தின் தகுதி செறிந்த பாதுகாப்பு அரண். அவரது சிந்தனையும் சொல்லும் செயலும்; உலகத்தமிழ் மானுடத்துக்கு மேலும் பல்லாண்டு தொடர வேண்டும். தந்தை பெரியார் உலகம் பயனுற வேண்டும் என்று, அவர் பிறந்தநாளாம் இன்று வணங்கி, வாழ்த்துகிறேன்.

இவ்வாறு அவர் கூறியுள்ளார்.

Tags:    

Similar News