மேட்டூர் அணைக்கு நீர்வரத்து மேலும் அதிகரிப்பு

சேலம்:

கடந்த 18-ந் தேதி 6043 கன அடியாக இருந்த நீர்வரத்து நேற்று 7 ஆயிரத்து 510 கன அடியானது. இன்று நீர்வரத்து மேலும் அதிகரித்து 8 ஆயிரத்து 143 கனஅடியாக வந்து கொண்டிருக்கிறது.

அணையில் இருந்து காவிரியில் 7 ஆயிரம் கன அடி தண்ணீரும், கால்வாயில் 900 கன அடி தண்ணீரும் திறந்து விடப்பட்டு வருகிறது. அணைக்கு வரும் தண்ணீரும், அணையில் திறந்து விடப்படும் தண்ணீரும் சமமாக இருப்பதால் அணை நீர்மட்டம் 120 அடியாக நீடிக்கிறது.