திருவள்ளூர் அருகே இலவச லேப்-டாப் கேட்டு மாணவிகள் மறியல்

திருவள்ளூர்:

திருவள்ளூரை அடுத்த மப்பேடு கூட்டுச்சாலை அருகே அரசு நிதி உதவி பெறும் பெண்கள் பள்ளி இயங்கி வருகிறது. இங்கு பிளஸ்-1, பிளஸ்-2 வில் சுமார் 500க்கும் மேற்பட்ட மாணவிகள் படித்து வருகின்றனர்.

இந்த நிலையில் இப்பள்ளி மாணவ- மாணவிகளுக்கு வழங்க 180 இலவச லேப்டாப் மட்டுமே கொடுக்கப்பட்டதாக தெரிகிறது. இதனால் ஆத்திரம் அடைந்த மாணவிகள் நூற்றுக்கும் மேற்பட்டோர் இன்று காலை மப்பேடு கூட்டுச்சாலையில் மறியலில் ஈடுபட்டனர்.

மப்பேடு போலீசார் மாணவிகளிடம் பேச்சு வார்த்தை நடத்தி உரிய தீர்வு காண்பதாக தெரிவித்தனர்.