லைஃப்ஸ்டைல்
பெண்கள் விரும்பும் பிராண்டட் பொருட்கள்

பெண்கள் விரும்பும் பிராண்டட் பொருட்கள்

Published On 2020-03-13 02:25 GMT   |   Update On 2020-03-13 02:25 GMT
பிராண்டட் பொருட்களின் மீது மக்களுக்கு இருக்கும் மோகத்தை புரிந்துகொள்ள முடியாது. ஏனென்றால் பிராண்டட் பொருட்கள் என்றால் தரமாக இருக்கும் என்கிற நம்பிக்கைதான் காரணம்.
பிராண்டட் பொருட்களின் மீது மக்களுக்கு இருக்கும் மோகத்தை புரிந்துகொள்ள முடியாது. பொருளின் மதிப்பைவிட அதிகமான தொகையைத்தான் கொடுக்கிறோம் என்று தெரிந்துகொண்டே பிராண்டட் பொருட்களுக்கு அதிக விலை கொடுக்கிறோம். ஏனென்றால் பிராண்டட் பொருட்கள் என்றால் தரமாக இருக்கும் என்கிற நம்பிக்கைதான் காரணம்.

தனி அந்தஸ்தை கொடுக்கும் சில பிராண்டுகளுக்கும் அதிக விலை கொடுக்கத்தான் செய்கிறோம். அதே சமயத்தில் பிராண்டட் அல்லாத பொருட்களும் சந்தையில் முக்கிய பங்கை வகிக்கத்தான் செய்கின்றன. பிராண்டட் பொருட்களுக்கு ஈடான அதே தரத்தை பிராண்டட் அல்லாத பொருட்களிலிருந்தும் பெற முடியும். பெரிய நிறுவனங்கள் தங்களது பிராண்டை உருவாக்க கோடி கோடியாக செலவு செய்து மக்களிடம் நம்பிக்கையை பெறுகிறார்கள்.

அதேசமயத்தில் பிராண்டட் பொருட்களை அப்படியே காப்பியடித்து போலியான பிராண்டுகளை உருவாக்குபவர்களும் இருக்கத்தான் செய்கிறார்கள். விலை கொஞ்சம் அதிகமாக இருந்தாலும் பிராண்டட் பொருட்கள் என்றால் தரமாக இருக்கும் என்றுதான் மக்கள் நம்பி வாங்குகிறார்கள். இதே தரம் பிராண்ட் அல்லாதவற்றிலோ அல்லது பிற தயாரிப்புகளிலோ கிடைக்குமா என்றால் உறுதியாக சொல்ல முடியாது என்கிறார்கள், ஆய்வாளர்கள். அன்பிராண்ட் தயாரிப்புகளாக வந்த ஸ்மார்ட்போன்களில் பாதுகாப்பு குறியீடுகள் இல்லை என்று அரசே தடை செய்துள்ளதை இதற்கு உதாரணமாக குறிப்பிடலாம்.

பிராண்டுகளுக்கு கொடுக்கும் விலை அதன் தரத்திற்காக கொடுக்கும் விலையாக பார்க்காமல் மக்களின் நம்பிக்கையை பெற்றதற்கான விலையாகத்தான் பார்க்க வேண்டும். எனவே பிராண்டட் அல்லாத பொருட்கள் மீது மோசமான பார்வையும் வேண்டாம் என்பதும் ஆய்வாளர்கள் கருத்து. பிராண்டட் பொருட்களோ பிராண்ட் அல்லாத பொருட்களோ நமது தேவைக்கு ஏற்ப தேடிப்பிடித்து வாங்குவதே பயன் தரும் என்பது அனுபவப்பட்டவர்களின் ஆலோசனையாக இருக்கிறது. வீட்டு உபயோகப் பொருட்கள் சந்தையில் ஆதிக்கம் செலுத்துவது பிராண்டட் பொருட்கள்தான். பிராண்ட் மதிப்பு இல்லாத பொருட்கள் விற்பனை மந்தமாகத்தான் இருக்கிறது என்கின்றனர் விற்பனையாளர்கள்.

ஆனால் பிராண்டட் நிறுவனத்தின் விலையில், அதே தரத்திலான இதர நிறுவனங்களின் தயாரிப்புகளை விலை குறைவாகவே வாங்கிவிட முடியும் என்கிறார்கள். எல்.இ.டி. டிவி, வாஷிங்மெஷின், குளிர்சாதன பெட்டி மற்றும் ஏ.சி. வகைகளில் இந்த விலை வித்தியாசத்தை பார்க்கலாம். இவற்றில் போலிகளை உருவாக்க முடியாது. தரத்துக்கு ஏற்ப விற்பனைக்கு பிறகான சேவை, வாரண்டி, கியாரண்டி உத்திரவாதங்கள், பிரச்சினை ஏற்பட்டால் வீட்டுக்கே வந்து சர்வீஸ் செய்து கொடுக்கும் வசதிகள் கிடைப்பதை பொறுத்து பிராண்டாக உருவாகாத நிறுவனங்களின் தயாரிப்புகளை இந்த வகைகளில் தேர்ந்தெடுக்கலாம் என்கிறார்கள்.

அதேநேரத்தில் சிறிய ரக வீட்டு உபயோகப் பொருட்களான மிக்ஸி, பேன், மைக்ரோவேவ் ஓவன், இஸ்திரி பெட்டி போன்றவற்றில் பிராண்டுக்கு முக்கியத்துவம் கொடுக்க வேண்டும். ஏனென்றால் இந்த வகையிலான சிறு தயாரிப்புகள் அனைத்தும் அவுட் சோர்ஸிங் முறையில் சீன தயாரிப்புகளாக இருக்க வாய்ப்புள்ளது என்கிறார்கள் விவரம் அறிந்தவர்கள்.
Tags:    

Similar News