லைஃப்ஸ்டைல்
வெள்ளரிக்காய் பாயாசம்

வெள்ளரிக்காயில் சாலட் மட்டுமல்ல பாயாசமும் செய்யலாம்...

Published On 2021-07-06 09:35 GMT   |   Update On 2021-07-07 02:03 GMT
வெள்ளரிக்காயில் உள்ள நார்ச்சத்து நமது உணவு எளிதில் செரிமானம் ஆகி மலச்சிக்கல், வயிறு கோளாறுகள் ஏற்படாமல் தடுக்கிறது. தினமும் வெள்ளரிக்காய் சாப்பிட்டு வருபவர்களுக்கு சிறுநீரகங்கள் ஆரோக்கியமாக இருப்பதோடு சிறுநீரக கற்கள் ஏற்படாமல் காக்கும்.
தேவையான பொருட்கள் :

வெள்ளரிக்காய் - 2 (தோல் நீக்கி துருவவும்)  
காய்ச்சிய பால் - அரை லிட்டர்  
நெய் - 3 டீஸ்பூன்  
சர்க்கரை - தேவையான அளவு  
பாதாம் மிக்ஸ் - 2 டேபிள்ஸ்பூன்  
அரிசி மாவு - 5 டீஸ்பூன்  
முந்திரி - தேவையான அளவு  
ஏலக்காய் தூள் - சிறிதளவு

செய்முறை:

அரிசி மாவுடன் சிறிதளவு தண்ணீர் ஊற்றி அதனுடன் பாதாம் மிக்ஸை கலந்து கொள்ளவும்.

வாணலியில் நெய் ஊற்றி முந்திரி பருப்பை தனியாக வறுத்து எடுக்கவும்.

வாணலியில் மீதமிருக்கும் நெய்யை ஊற்றி வெள்ளரிக்காயை நன்றாக வதக்கிக்கொள்ளவும்.

பின்னர் சிறிது தண்ணீர் ஊற்றி வேக வைத்துக்கொள்ளவும்.

நன்கு வெந்ததும் அரிசி மாவு கலவை சேர்த்து கிளறவும்.

பின்னர் ஏலக்காய்த்தூள், சர்க்கரை சேர்த்து சிறிது நேரம் கொதிக்கவிட்டு இறக்கவும்.

அதனுடன் காய்ச்சிய பால், முந்திரி பருப்பை சேர்த்து ருசிக்கலாம்.

சூப்பரான வெள்ளரிக்காய் பாயாசம் ரெடி.
Tags:    

Similar News