லைஃப்ஸ்டைல்
மிக்ஸ்டு வெஜிடபிள் போண்டா

மிக்ஸ்டு வெஜிடபிள் போண்டா

Published On 2020-04-21 10:25 GMT   |   Update On 2020-04-21 10:25 GMT
குழந்தைகளுக்கு ஸ்நாக்ஸ் என்றால் விரும்பி சாப்பிடுவார்கள். இன்று காய்கறிகள் சேர்ந்து சூப்பரான போண்டா செய்வது எப்படி என்று பார்க்கலாம்.
தேவையான பொருட்கள் :

(மேல் மாவுக்கு)

கடலை மாவு - 1 கப்
ஆப்ப சோடா - சிட்டிகை
உப்பு - ருசிக்கேற்ப
கலர் (விருப்பப்பட்டால்) - ஒரு சிட்டிகை
எண்ணெய் - தேவையான அளவு.

(பூரணத்துக்கு)

உருளைக் கிழங்கு - 1
கேரட் - 1
பீன்ஸ் - 4
பட்டாணி - ஒரு கைப்பிடி
பெரிய வெங்காயம் - 1
பச்சை மிளகாய் - 1
மிளகாய்தூள் - 1 டீஸ்பூன்
கரம் மசாலா தூள் - அரை டீஸ்பூன்
எலுமிச்சம்பழச் சாறு - 1 டேபிள்ஸ்பூன்
சீரகம் - அரை டீஸ்பூன்
கொத்தமல்லித்தழை - சிறிது
எண்ணெய் - 2 டேபிள்ஸ்பூன்.



செய்முறை:

கொத்தமல்லி, காய்கறிகளை மிகவும் பொடியாக நறுக்குங்கள்.

கடாயை அடுப்பில் வைத்து எண்ணெள் ஊற்றி சூடானதும் சீரகம் போட்டு தாளித்த பின்னர் வெங்காயம் சேர்த்து வதக்குங்கள்.

அத்துடன் காய்கறிகளையும், மஞ்சள்தூள், உப்பும் சேர்த்து குறைந்த தீயில் நன்கு வதக்குங்கள்.

காய்கறிகள் பாதியளவு வெந்ததும் அதனுடன் மிளகாய்தூள் சேர்த்து நன்கு கிளறி வெந்ததும் கரம் மசாலா தூள், எலுமிச்சம்பழச் சாறு, கொத்தமல்லித்தழை சேர்த்து நன்கு சுருளக் கிளறி இறக்குங்கள்.

ஆறியதும் உருண்டை பிடித்து வையுங்கள்.

பிறகு கடலை மாவுடன் சிறிது உப்பு ஆப்ப சோடா (விருப்பப்பட்டால்) கலர் பவுடர் தேவையானால் தண்ணீர் சேர்த்து இட்லி மாவு பதத்தில் கரைத்துக் கொள்ளுங்கள்.

எண்ணெயைக் காயவைத்து காய்கறி உருண்டைகளை மாவில் தோய்த்து காயும் எண்ணெயில் போட்டு பொன்னிறமாக வெந்ததும் எடுங்கள்.

சூப்பரான மிக்ஸ்டு வெஜிடபிள் போண்டா ரெடி.

இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
Tags:    

Similar News