நாகூரில் திரவுபதியம்மன் கோவிலில் தீ மிதி விழா

நாகையை அடுத்த நாகூரில் திரவுபதியம்மன் கோவில் உள்ளது. இந்த கோவிலில் ஆண்டுதோறும் தீ மிதி திருவிழா நடைபெறுவது வழக்கம். இந்த ஆண்டுக்கான ஆண்டு திருவிழா கடந்த 26-ந்தேதி திருவிளக்கு பூஜையுடன் தொடங்கியது. அதனை தொடர்ந்து 29-ந்தேதி கொடியேற்றம் நடைபெற்றது. விழாவையொட்டி அம்மனுக்கு அபிஷேக ஆராதனையும், சந்தனகாப்பு அலங்காரமும் நடைபெற்றது.

விழாவில் முக்கிய நிகழ்ச்சியாக தீமிதி விழா நேற்றுமுன்தினம் நடைபெற்றது. இதில் திரளான பக்தர்கள் கலந்துகொண்டு தீக்குண்டத்தில் இறங்கி தங்களது நேர்த்திக்கடன்களை செலுத்தினர்.