செல்லமுத்து மாரியம்மன் கோவில் குடமுழுக்கு

கீழ்வேளூர் அருகே இரிஞ்சியூர் கிராமத்தில் செல்லமுத்துமாரியம்மன் கோவில் உள்ளது. இக்கோவிலில் திருப்பணிகள் முடிந்து குடமுழுக்கு விழா கடந்த 24-ந்தேதி விக்னேஸ்வர பூஜையுடன் தொடங்கியது.

இந்தநிலையில் நேற்று காலை 4-ம் கால யாகசாலை பூஜைகள் நடைபெற்றது. பின்னர் புனித நீர் அடங்கிய கடங்கள் எடுத்துவரப்பட்டு கோபுர கலசங்களுக்கு புனித நீர் ஊற்றப்பட்டு குடமுழுக்கு நடைபெற்றது. இதில் பக்தர்கள் கலந்துகொண்டு சாமி தரிசனம் செய்தனர்.