கன்னியாகுமரி பகவதி அம்மன் கோவிலில் நவராத்திரி விழா நேற்று தொடங்கியது. இந்த விழா 8-ந் தேதி வரை நடக்கிறது. நேற்று அதிகாலை 5 மணிக்கு அம்மனுக்கு அஷ்டாபிஷேகம் நடந்தது. அதைத் தொடர்ந்து அம்மன் மேள தாளம் முழங்க கொலு மண்டபத்தில் எழுந்தருளினார். அங்கு கொலு பொம்மைகள் அலங்கரித்து வைக்கப்பட்டு இருந்தது. அம்மனை பக்தர்கள் வழிபட்டனர்.

அதைத்தொடர்ந்து காலை 9 மணிக்கு பஜனை, 10 மணிக்கு சிறப்பு அபிஷேகம், மதியம் 12 மணிக்கு அன்னதானம், மாலை மங்கள இசை, ஆன்மிக உரை, பக்தி இன்னிசை, இரவு அம்மன் வாகனத்தில் வலம் வரும் நிகழ்ச்சி ஆகியவை நடைபெற்றது. விழாவின் முக்கிய நிகழ்ச்சியான பரிவேட்டை 8-ந் தேதி நடக்கிறது.