சினிமா
ஆனந்த கிருஷ்ணன் இயக்கத்தில் விஜய் ஆண்டனி, ஆத்மிகா நடிப்பில் உருவாகி இருக்கும் கோடியில் ஒருவன் படத்தின் முன்னோட்டம்.
மெட்ரோ பட இயக்குனர் ஆனந்த கிருஷ்ணன் இயக்கத்தில் உருவாகி உள்ள புதிய படம் ‘கோடியில் ஒருவன்’. இப்படத்தில் நடிகர் விஜய் ஆண்டனி ஹீரோவாக நடித்துள்ளார். அரசியல் திரில்லர் கதையம்சத்தில் இப்படம் உருவாகி உள்ளது. இப்படத்தில் நடிகர் விஜய் ஆண்டனிக்கு ஜோடியாக ஆத்மிகா நடித்துள்ளார். கே.ஜி.எப். படத்தின் வில்லன் ராமச்சந்திர ராஜு இப்படத்திலும் வில்லனாக நடித்துள்ளார்.
ஆத்மிகா, விஜய் ஆண்டனி
மேலும் ஐ.எம்.விஜயன், பிரபாகரன், சச்சின் கெடேக்கர், ஷங்கர் கிருஷ்ணமூர்த்தி ஆகியோர் முக்கிய கதாபாத்திரத்தில் நடித்துள்ளனர். நிவாஸ் கே பிரசன்னா இசையமைத்துள்ள இப்படத்திற்கு என்.எஸ்.உதயகுமார் ஒளிப்பதிவு செய்துள்ளார். டிடி ராஜா மற்றும் சஞ்சய் குமார் ஆகியோர் இணைந்து இப்படத்தை தயாரித்துள்ளனர். லியோ ஜான் பால் இப்படத்தின் படத்தொகுப்பு பணிகளை மேற்கொண்டுள்ளார்.