சினிமா செய்திகள்
கமல், விக்ரம், விஜய் சேதுபதி, லோகேஷ் கனகராஜ், kamal, vikram, vijay sethupathi, lokesh kanagaraj

புகழ்ப்பெற்ற திரைப்பட விழாவில் 'விக்ரம்' படத்தின் டிரைலர்

Published On 2022-04-27 06:23 GMT   |   Update On 2022-04-27 06:23 GMT
கமல் நடித்து வெளியாகவுள்ள 'விக்ரம்' திரைப்படத்தின் டிரைலரை உலக புகழ்ப்பெற்ற திரைப்பட விழாவில் வெளியிடப்படும் என படக்குழு அறிவித்துள்ளது.
மாஸ்டர் படத்தின் வெற்றியைத் தொடர்ந்து லோகேஷ் கனகராஜ் இயக்கத்தில் உருவாகி வரும் படம் 'விக்ரம்'. கமல்ஹாசன் கதாநாயகனாக நடிக்கும் இப்படத்தில் விஜய் சேதுபதி, பகத் பாசில், நரேன், அர்ஜுன் தாஸ், காளிதாஸ் ஜெயராம் உள்ளிட்ட பலர் நடித்து வருகிறார்கள். இப்படத்தை கமல்ஹாசன் தனது சொந்த தயாரிப்பு நிறுவனமான ராஜ்கமல் பிலிம்ஸ் நிறுவனம் மூலம் தயாரிக்கிறார். அனிருத் இசையமைக்கும் இப்படத்திற்கு கிரிஷ் கங்காதரன் ஒளிப்பதிவு செய்கிறார். இப்படத்தின் படப்பிடிப்புகள் முடிந்து பின்னணி வேலைகள் விறுவிறுப்பாக நடைபெற்று வருகிறது. விக்ரம் திரைப்படம் வருகிற ஜூன் 3-ம் தேதி வெளியாகும் என்று படக்குழு அறிவித்திருந்தது.


விக்ரம்

இந்நிலையில் 'விக்ரம்' திரைப்படத்தின் டிரைலர் கேன்ஸ் திரைப்பட விழாவில் வெளியிடப்படும் என படக்குழு அறிவித்துள்ளது. மே 18 ஆம் தேதி தொடங்கவிருக்கும் உலகப் புகழ்பெற்ற கேன்ஸ் திரைப்பட விழாவில் டிரைலரை வெளியிட உள்ளதாக தயாரிப்பு நிறுவனம் அறிவித்துள்ளது.
Tags:    

Similar News