சினிமா
மீண்டும் வெற்றிமாறன் இயக்கத்தில் நடிக்கும் அமீர்?
இயக்குனர் அமீர் ஏற்கனவே வெற்றிமாறன் இயக்கிய வடசென்னை படத்தில் ராஜன் கதாபாத்திரத்தில் நடித்திருந்தார் என்பது குறிப்பிடத்தக்கது.
வெற்றிமாறன் இயக்கத்தில் சூர்யா நடிக்க உள்ள படம் வாடிவாசல். வி.கிரியேஷன்ஸ் சார்பாக கலைப்புலி எஸ்.தாணு தயாரிக்கும் இப்படம் ஜல்லிக்கட்டு விளையாட்டை மையமாக வைத்து தயாராக உள்ளது. வேல்ராஜ் ஒளிப்பதிவு செய்ய உள்ள இப்படத்திற்கு, ஜிவி பிரகாஷ் இசையமைக்க உள்ளார். இப்படத்தின் படப்பிடிப்பு வருகிற அக்டோபர் மாதம் தொடங்க உள்ளது.
இந்நிலையில், வாடிவாசல் படத்தில் இயக்குனர் அமீர் முக்கிய கதாபாத்திரத்தில் நடிக்க உள்ளதாக தகவல் வெளியாகி உள்ளது. ஏற்கனவே வெற்றிமாறன் இயக்கிய வடசென்னை படத்தில் ராஜன் கதாபாத்திரத்தில் திறம்பட நடித்து ரசிகர்களை கவர்ந்த அமீர், தற்போது இரண்டாவது முறையாக அவருடன் கூட்டணி அமைக்க உள்ளதாக கூறப்படுகிறது.