சினிமா
பண்டிகை தினத்தை டார்கெட் செய்யும் விஷால்
நடிகர்கள் ஆர்யாவும், விஷாலும் நீண்ட இடைவெளிக்கு பிறகு இணைந்து நடித்துள்ள எனிமி படத்தை ஆனந்த் சங்கர் இயக்கி உள்ளார்.
அரிமா நம்பி, இருமுகன் ஆகிய படங்களை இயக்கி பிரபலமான ஆனந்த் சங்கர், அடுத்ததாக இயக்கும் படம் எனிமி. இப்படத்தில் விஷால் ஹீரோவாகவும், ஆர்யா வில்லனாகவும் நடித்துள்ளார். இவர்களுடன் மம்தா மோகன்தாஸ், மிருணாளினி, பிரகாஷ்ராஜ், கருணாகரன் ஆகியோர் முக்கிய கதாபாத்திரங்களில் நடித்துள்ளனர்.
ஆர்.டி.ராஜசேகர் ஒளிப்பதிவு செய்துள்ள இப்படத்திற்கு தமன் இசையமைக்கிறார். இப்படத்தின் படப்பிடிப்பு முடிந்து பின்னணி பணிகள் விறுவிறுப்பாக நடைபெற்று வருகிறது.
எனிமி படத்தின் போஸ்டர்
இந்நிலையில், எனிமி படத்தின் ரிலீஸ் குறித்து புதிய தகவல் வெளியாகி உள்ளது. அதன்படி ஆயுத பூஜை பண்டிகையையொட்டி வருகிற அக்டோபர் மாதம் 13-ந் தேதி இப்படத்தை திரையரங்குகளில் வெளியிட படக்குழு திட்டமிட்டுள்ளதாக கூறப்படுகிறது. விரைவில் இதுகுறித்த அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.