விஜய்யின் ‘பீஸ்ட்’ படத்தில் இணைந்த ‘மாஸ்டர்’ பட நடிகை

கோலமாவு கோகிலா, டாக்டர் ஆகிய படங்களை இயக்கிய நெல்சன், தற்போது விஜய் நடிக்கும் ‘பீஸ்ட்’ படத்தை இயக்கி வருகிறார். இப்படத்தில் விஜய்க்கு ஜோடியாக பூஜா ஹெக்டேவும், வில்லனாக செல்வராகவனும் நடிக்கின்றனர். சன் பிக்சர்ஸ் நிறுவனம் தயாரிக்கும் இப்படத்திற்கு அனிருத் இசையமைக்கிறார். 

காதல், நகைச்சுவை, அதிரடி சண்டைக் காட்சிகளுடன் தயாராகி வரும் இப்படத்திற்கு மனோஜ் பரமஹம்சா ஒளிப்பதிவு செய்கிறார். இப்படத்தின் படப்பிடிப்பு விறுவிறுப்பாக நடைபெற்று வருகிறது. 

இந்நிலையில், இளம் நடிகை ஜனனி துர்கா இப்படத்தில் முக்கிய கதாபாத்திரத்தில் நடிக்க ஒப்பந்தமாகி உள்ளார். இவர் ஏற்கனவே விஜய்யுடன் மாஸ்டர் படத்தில் நடித்திருந்தார் என்பது குறிப்பிடத்தக்கது. தொடர்ந்து 2-வது முறையாக விஜய்யுடன் கூட்டணி அமைப்பது மிகுந்த மகிழ்ச்சி அளிப்பதாக நடிகை ஜனனி துர்கா தெரிவித்துள்ளார்.