சினிமா
உதயநிதி படத்தில் இணைந்த பிக்பாஸ் நடிகர்
தடையறத் தாக்க, மீகாமன், தடம் படங்களை இயக்கிய மகிழ்திருமேனி இயக்கும் படத்தில் உதயநிதி கதாநாயகனாக நடித்து வருகிறார்.
தயாரிப்பாளராக இருந்த உதயநிதி பின்னர் முழுநேர நடிகராக மாறி தமிழ் படங்களில் நடித்து வந்தார். அதன்பின் எம்.எல்.ஏ.வாக வெற்றி பெற்று அரசியலில் கவனம் செலுத்தி வந்தார். தற்போது மீண்டும் சினிமாவிற்கு திரும்பி இருக்கிறார் உதயநிதி.
மகிழ்திருமேனி இயக்கும் படத்தில் உதயநிதி கதாநாயகனாக நடித்து வருகிறார். இந்த படத்தில் நிதி அகர்வால் அவருக்கு ஜோடியாக நடிக்கிறார். இந்நிலையில், பிக்பாஸ் நிகழ்ச்சியின் டைட்டில் வின்னர் ஆரவ் இப்படத்தில் இணைந்திருக்கிறார்.
ஆரவ் - உதயநிதி
உதயநிதியுடன் படப்பிடிப்பில் எடுத்துக் கொண்ட புகைப்படத்தை ஆரவ் தனது சமூக வலைத்தள பக்கக்தில் பகிர்ந்து இருக்கிறார். இதற்குமுன் மார்க்கெட் ராஜா என்ற படத்தில் ஆரவ் கதாநாயகனாக நடித்திருந்தார் என்பது குறிப்பிடத்தக்கது.