அவரும் இல்லை... இவரும் இல்லை... வில்லன் நடிகரை அறிவித்த லிங்குசாமி

தமிழில் ஆனந்தம், ரன், பையா, சண்டக்கோழி என பல்வேறு ஹிட் படங்களை கொடுத்த லிங்குசாமி, தற்போது தெலுங்கில் இயக்குனராக அறிமுகமாக உள்ளார். பிரபல தெலுங்கு நடிகர் ராம் பொத்தினேனி நடிக்கும் படத்தை லிங்குசாமி இயக்க உள்ளார். 

இப்படம் ஒரே நேரத்தில் தமிழ், தெலுங்கு ஆகிய இரு மொழிகளில் உருவாக உள்ளது. ராம் பொத்தினேனிக்கு ஜோடியாக இளம் நடிகை கீர்த்தி ஷெட்டி நடிக்க உள்ளார். தேவி ஸ்ரீ பிரசாத் இப்படத்திற்கு இசையமைக்க உள்ளார். 

நடிகர் ஆதி

அதிரடி ஆக்ஷன் படமான இதில் வில்லன் வேடத்தில் மாதவன் நடிக்க இருப்பதாகவும், சில தினங்களுக்கு முன்பு ஆர்யா நடிக்க இருப்பதாகவும் செய்திகள் வெளியானது. ஆனால், தற்போது வில்லனாக ஆதி நடிக்க இருப்பதாக படக்குழுவினர் அதிகாரப்பூர்வமாக அறிவித்து இருக்கிறார்கள்.

நடிகர் ஆதி தமிழில், மிருகம், ஈரம், மரகத நாணயம் உள்ளிட்ட பல படங்களில் நடித்துள்ளார்.