சினிமா
இறுதி கட்டத்திற்கு சென்ற சிவகார்த்திகேயனின் டாக்டர்
நெல்சன் இயக்கத்தில் சிவகார்த்திகேயன் நடித்து வரும் டாக்டர் திரைப்படம் இறுதி கட்டத்திற்கு சென்று இருப்பதாக படக்குழுவினர் அறிவித்துள்ளனர்.
நெல்சன் இயக்கத்தில் சிவகார்த்திகேயன் நடித்து வரும் படம் டாக்டர். அனிருத் மியூசிக்கில் உருவாகும் இப்படத்தை சிவகார்த்திகேயன் புரொடக்ஷன்ஸும் கேஜேஆர் ஸ்டூடியோஸும் இணைந்து தயாரிக்கின்றன.
இந்நிலையில் கொரோனா அச்சுறுத்தல் காரணமாக நிறுத்தி வைக்கப் பட்டிருந்த டாக்டர் படத்தின் பணிகள் மீண்டும் தொடங்கி இருக்கிறது.
டப்பிங் பணிகளை சென்னையில் ஒரு சிறு பூஜையுடன் படக்குழுவினர் துவங்கி இருக்கிறார்கள். அரசு அறிவித்துள்ள கொரோனா நோய்க்கான, அனைத்து முன்னெச்செரிக்கை நடவடிக்கைகளையும், போதுமான தனிமனித இடைவெளியையும் கண்டிப்பான முறையில் கடைப்பிடித்து, டப்பிங் பணிகளை செய்து வருகிறது படக்குழு.
இப்படத்தில் ப்ரியங்கா அருள் மோகன் நாயகி பாத்திரத்தில் நடிக்க, வினய் ராய் வில்லன் பாத்திரத்தில் நடித்துள்ளார். மேலும் யோகி பாபு, மிலிந்த் சோமன், அருண் அலெக்ஸாண்டர், சுனில் ரெட்டி, ரெட்டின் கிங்ஸ்லி ஆகியோர் முக்கிய பாத்திரத்தில் நடிக்கிறார்கள்.