ஆட்டோமொபைல்
இந்திய வலைதளத்தில் பென்ஸ் எலெக்ட்ரிக் கார்
மெர்சிடிஸ் பென்ஸ் இந்தியா அதிகாரப்பூர்வ வலைதளத்தில் புதிய இக்யூசி 400 மாடல் பட்டியலிடப்பட்டு இருக்கிறது.
மெர்சிடிஸ் பென்ஸ் நிறுவனம் இந்தியாவில் புதிய இக்யூசி 400 முழுமையான எலெக்ட்ரிக் மாடலை விரைவில் அறிமுகம் செய்ய இருக்கிறது. வெளியீட்டிற்கு முன் புதிய மெர்சிடிஸ் பென்ஸ் இக்யூசி 400 பென்ஸ் அதிகாரப்பூர்வ வலைதளத்தில் பட்டியலிடப்பட்டு உள்ளது.
அந்த வகையில் புதிய பென்ஸ் எலெக்ட்ரிக் கார் விரைவில் அறிமுகம் செய்யப்படலாம் என எதிர்பார்க்கப்படுகிறது. பென்ஸ் இக்யூசி மாடல் விற்பனை முன்கூட்டியே துவங்க இருந்தது. எனினும், கொரோனாவைரஸ் பாதிப்பு காரணமாக இதன் வெளியீடு தாமதமாகி இருக்கிறது.
புதிய இக்யூசி 400 இரண்டு எலெக்ட்ரிக் மோட்டார்கள் மற்றும் 80kWh லித்தியம் அயன் பேட்டரி கொண்டு இயங்குகிறது. இந்த எலெக்ட்ரிக் மோட்டார்கள் முறையே 402 பிஹெச்பி பவர் 765 என்.எம். டார்க் செயல்திறன் வழங்குகிறது. இதன் பேட்டரியை ஒருமுறை சார்ஜ் செய்தால் 400 கிலோமீட்டர் வரை செல்லும் திறன் கொண்டிருக்கிறது.