ஆட்டோமொபைல்
மூன்று எலெக்ட்ரிக் வாகனங்களை உருவாக்கி வரும் கவாசகி
கவாசகி நிறுவனம் அடுத்த ஆண்டில் மூன்று எலெக்ட்ரிக் வாகனங்களை அறிமுகம் செய்யும் பணிகளில் ஈடுபட்டு வருகிறது.
கவாசகி நிறுவனம் எலெக்ட்ரிக் வாகனங்களை அறிமுகம் செய்யும் பணிகளில் ஈடுபட்டு வருகிறது. அடுத்த ஆண்டு இறுதிக்குள் கவாசகி நிறுவனம் மூன்று புதிய எலெக்ட்ரிக் வாகனங்களை அறிமுகம் செய்ய இருப்பதாக தகவல் வெளியாகி உள்ளது.
இதைத் தொடர்ந்து 2025 ஆண்டு வாக்கில் மேலும் ஏழு எலெக்ட்ரிக் மற்றும் ஹைப்ரிட் இருசக்கர வாகனங்களை அறிமுகம் செய்ய இருப்பதாக கூறப்படுகிறது. முன்னதாக கவாசகி நிறுவனம் தனது எலெக்ட்ரிக் மோட்டார்சைக்கிளின் ப்ரோடோடைப் மாடல் வீடியோவை வெளியிட்டது.
இதைத் தொடர்ந்து ஹைப்ரிட் சிஸ்டம் கொண்ட மாடலின் வீடியோவையும் கவாசகி வெளியிட்டு இருக்கிறது. இந்த ஆண்டு மே மாதத்தில் கவாசகி நிறுவனம் இ பூஸ்ட் எனும் பெயரை பயன்படுத்துவதற்கான காப்புரிமை கோரி விண்ணப்பித்து இருந்தது குறிப்பிடத்தக்கது.