இந்தியாவில் சுசுகி அக்சஸ் 125 புதிய வேரியண்ட் அறிமுகம்

சுசுகி மோட்டார்சைக்கிள் இந்தியா நிறுவனம் இந்தியாவில்  அக்சஸ் 125 ஸ்கூட்டரின் புதிய வேரியண்ட்டை அறிமுகம் செய்துள்ளது. புதிய சுசுகி அக்சஸ் 125 டிரம் பிரேக் வேரியண்ட் தற்சமயம் அலாய் வீல்களுடன் கிடைக்கிறது. 

இந்தியாவில் புதிய சுசுகி அக்சஸ் விலை ரூ. 59,891 (எக்ஸ்-ஷோரூம்) என நிர்ணயம் செய்யப்பட்டுள்ளது. இதன் ஸ்பெஷல் எடிஷன் மாடல் விலை ரூ. 61,590 (எக்ஸ்-ஷோரூம்) என நிர்ணயிக்கப்பட்டுள்ளது. 

டிரம் பிரேக் வேரியண்ட்டில் அலாய் வீல் தவிர வேறு எந்த மாற்றமும் மேற்கொள்ளப்படவில்லை. சுசுகி அக்சஸ் 125 டிரம் பிரேக் கொண்ட அலாய் வீல் மாடல்: பியல் டீப் புளு, கிளாஸ் ஸ்பார்கிள் பிளாக், மெட்டாலிக் மேட் ஃபைப்ரொயின் கிரே மற்றும் பியல் மிரேஜ் வைட் உள்ளிட்ட நிறங்களில் கிடைக்கிறது.

புதிய சுசுகி அக்சஸ் 125 மாடலில் 124சிசி சிங்கிள் சிலிண்டர் ஏர்-கூல்டு என்ஜின் வழஹ்கப்பட்டுள்ளது. இது 8.7 பி.ஹெ்.பி. @7000 ஆர்.பி.எம். மற்றும் 10.2 என்.எம். டார்க் @5000 ஆர்.பி.எம். செயல்திறன் வழங்குகிறது.

இத்துடன் புதிய சுசுகி அக்சஸ் 125 மாடலில் ஈசி-ஸ்டார்ட் சிஸ்டம், பெரிய ஃபூட் போர்டு, பெரிய சீட், அழகிய ஹெட்லேம்ப்கள், டிஜிட்டல் மீட்டர், ஆயில் சேன்ஜ் இன்டிகேட்டர், டூயல் ட்ரிப் மீட்டர் உள்ளிட்டவை வழங்கப்படுகிறது. இத்துடன் காம்பி பிரேக்கிங் சிஸ்டம் வழங்கப்படுகிறது.