எம்.வி. அகுஸ்டா எப் 3. ஆர்.சி. அறிமுகம்

இத்தாலி நாட்டை சேர்ந்த ரேஸ் மாடல் மோட்டார்சைக்கிளைத் தயாரிக்கும் எம்.வி. அகுஸ்டா நிறுவனம் இந்தியாவில் புதிதாக எப்3.ஆர்.சி. மாடல் மோட்டார்சைக்கிளை அறிமுகம் செய்ததது. இந்தியாவில் இதன் விலை ரூ.22 லட்சம் என நிர்ணயம் செய்யப்பட்டுள்ளது. 

இந்திய சந்தையில் எம்.வி. அகுஸ்டா மொத்தம் ஆறு மோட்டார் சைக்கிள்களை மட்டுமே விற்பனை செய்ய திட்டமிட்டுள்ளது. லிமிடெட் எடிஷன் வடிவில் கிடைக்கும் இந்த மாடல் மோட்டார்சைக்கிள் மூன்று வண்ணக் கலவைகளை ஒருங்கே கொண்டிருக்கிறது.

இந்த மோட்டார்சைக்கிளில் 798 சி.சி. திறன் கொண்ட 3 சிலிண்டர் என்ஜின் வழங்கப்பட்டுள்ளது. இது 153 பி.ஹெச்.பி. திறனை 13,250 ஆர்.பி.எம். வேகத்திலும், 88 என்.எம். டார்க் செயல்திறனை 10,600 ஆர்.பி.எம்.மிலும் வெளிப்படுத்தக் கூடியது. 

புதிய எப்3 ஆர்.சி. மாடலில் எஸ்.சி. பிராஜெக்ட் எக்ஸாஸ்ட், அனோடைஸ்டு அலுமினியம் ரியர் வியூ மிரர், அலுமினியம் பிரேக் மற்றும் கிளட்ச் லீவர், பைபர் கிளாஸ் சீட் கவர், ஸ்பெஷல் எடிஷன் சான்று உள்ளிட்டவை இதன் சிறப்பம்சங்கள் ஆகும்.