முதல் கார் வெளியீட்டிற்கு முன் ஆறு விற்பனையகங்களை திறந்த சிட்ரோயன்

இந்தியா முழுக்க விற்பனை மற்றும் சர்வீஸ் மையங்களை திறக்கும் பணிகளில் சிட்ரோயன் நிறுவனம் மும்முரம் காட்டி வருகிறது. சிட்ரோயன் நிறுவனத்தின் முதல் எஸ்யுவி மாடலாக சி5 ஏர்கிராஸ் ஏப்ரல் 7  ஆம் தேதி அறிமுகம் செய்யப்பட இருக்கிறது. 

இந்த நிலையில், சிட்ரோயன் நிறுவனம் தனது முதல் விற்பனையகத்தை ஆமதாபாத் நகரில் திறந்தது. தற்போது, பூனே, ஐதராபாத், கொல்கத்தா, டெல்லி, கொச்சி மற்றும் குருகிராம் என ஆறு புது நகரங்களில் சிட்ரோயன் தனது விற்பனை மையங்களை திறந்துள்ளது. 

புதிய சிட்ரோயன் சி5 ஏர்கிராஸ் மாடலில் 2.0 லிட்டர் டீசல் என்ஜின் வழங்கப்படுகிறது. இந்த என்ஜின் 175 பிஹெச்பி பவர், 400 என்எம் டார்க் செயல்திறன் வழங்குகிறது. இத்துடன் 8 ஸ்பீடு டார்க் கன்வெர்டர் ஆட்டோமேடிக் டிரான்ஸ்மிஷன் வழங்கப்படுகிறது.

சிட்ரோயன் சி5 ஏர்கிராஸ் மாடல் பீல் மற்றும் ஷைன் என இரண்டு வேரியண்ட்களில் கிடைக்கும். இத்துடன் பியல் வைட், குமுலஸ் கிரே, டிஜூசா புளூ மற்றும் பெர்லா நெரா பிளாக் உள்ளிட்ட நிறங்களில் கிடைக்கும்.