சிவகங்கையில் விவசாயிகள் போராட்டத்திற்கு ஆதரவாக பல்வேறு கடைகள் அடைக்கப்பட்டு இருந்தன. பஸ் போக்குவரத்தில் பாதிப்பு இல்லை.

நெல்லை, தூத்துக்குடி, தென்காசி மாவட்டங்களில் விவசாயிகள் போராட்டத்துக்கு ஆதரவாக பல்வேறு இடங்களில் மறியல் போராட்டம் நடந்தது.

விவசாயிகளுக்கு ஆதரவாக ஈரோடு மாவட்டத்தில் இன்று பல்வேறு பகுதிகளில் கடைகள் அடைக்கப்பட்டிருந்தது.

விவசாயிகள் முழு அடைப்புக்கு ஆதரவாக மாவட்ட தலைநகரங்கள் மற்றும் தாலுகா அலுவலகங்கள், மத்திய அரசு அலுவலகங்கள் முன்பு போராட்டம் நடைபெற்றது. மொத்தம் 400 இடங்களில் போராட்டம் நடந்தது.

விவசாயிகள் முழு அடைப்பு போராட்டத்திற்கு ஆதரவாக திருச்சி, நெல்லை, ஈரோடு மாவட்டங்களில் பெரும்பாலான கடைகள் அடைக்கப்பட்டிருந்தன.

விவசாயிகள் போராட்டத்துக்கு ஆதரவாக புதுச்சேரி மாநிலத்தில் முழு அடைப்பு நடந்து வருகிறது.

விவசாயிகள் சார்பில் இன்று நாடு முழுவதும் முழு அடைப்பு நடைபெறும் என அறிவிக்கப்பட்டுள்ள நிலையில் தமிழகத்தில் பாதுகாப்பு பணியில் 1 லட்சம் போலீசார் ஈடுபடுத்தப்படுகின்றனர்.