பாராளுமன்ற தேர்தல் முடிவு- கிருஷ்ணகிரியில் காங்கிரஸ் வேட்பாளர் வெற்றி

கிருஷ்ணகிரி:

தமிழ்நாட்டில் உள்ள 38 பாராளுமன்ற தொகுதி மற்றும் புதுச்சேரி ஆகிய 39 தொகுதிகளுக்கு கடந்த ஏப்ரல் மாதம் 18-ந்தேதி ஓட்டுப்பதிவு நடந்தது. வேலூர் தொகுதிக்கு மட்டும் தேர்தல் நடைபெறவில்லை.

நேற்று காலை ஓட்டு எண்ணிக்கை தொடங்கியது. தொடக்கத்தில் இருந்தே தி.மு.க. கூட்டணி அதிக இடங்களில் முன்னணிலை பெற்றது.

கிருஷ்ணகிரி தொகுதியில் 15,26,348, மொத்த வாக்காளர்கள் ஆவர். இதில் 11,56,311 வாக்குகள் பதிவானது.

கிருஷ்ணகிரி தொகுதியில் காங்கிரஸ் வேட்பாளர் செல்லக்குமார் 6,02,051 வாக்குகள் பெற்று வெற்றி பெற்றார்.

அ.தி.மு.க. வேட்பாளர் கே.பி.முனுசாமி 4,49,344 வாக்குகள் பெற்று இரண்டாம் இடத்தில் உள்ளார். நாம் தமிழர் கட்சி வேட்பாளர் மதுசூதனன் 27,512, அமமுக வேட்பாளர் கணேசகுமார் 8,686, மக்கள் நீதி மய்யம் வேட்பாளர் காரூண்யா சுப்பிரமணியம் 16,791 வாக்குகள் பெற்றுள்ளனர்.