செய்திகள்
கோப்புப்படம்

மேட்டூர் அணைக்கு நீர்வரத்து மேலும் அதிகரிப்பு

Published On 2019-05-17 11:53 GMT   |   Update On 2019-05-17 11:53 GMT
மேட்டூர் அணைக்கு 81 கன அடியாக வந்து கொண்டிருந்த நீர் வரத்து இன்று மேலும் அதிகரித்து 88 கன அடியாக வந்து கொண்டிருக்கிறது.
மேட்டூர்:

மேட்டூர் அணைக்கு கடந்த 15-ந் தேதி 56 கன அடியாக இருந்த நீர்வரத்து நேற்று 81 கன அடியாக அதிகரித்தது. இன்று நீர்வரத்து மேலும் அதிகரித்து 88 கன அடியாக வந்து கொண்டிருக்கிறது.

அணையில் இருந்து 2 ஆயிரத்து 500 கன அடி தண்ணீர் திறந்து விடப்பட்ட நிலையில் நேற்று மாலை முதல் தண்ணீர் திறப்பு 2 ஆயிரம் கன அடியாக குறைக்கப்பட்டது.

அணைக்கு வரும் தண்ணீரை விட அணையில் இருந்து பல மடங்கு கூடுதல் தண்ணீர் திறந்து விடப்படுவதால் அணையின் நீர்மட்டம் வேகமாக சரிந்து வருகிறது.

நேற்று 49.44 அடியாக இருந்த மேட்டூர் அணையின் நீர்மட்டம் இன்று மேலும் சரிந்து 49.12 அடியானது. இதே நிலை நீடித்தால் இனி வரும் நாட்களில் மேட்டூர் அணை நீர்மட்டம் மேலும் வேகமாக சரிய வாய்ப்புள்ளது.

Tags:    

Similar News