மேட்டூர் அணை நீர்மட்டம் 73 அடியாக சரிவு

சேலம்:

காவிரி நீர்ப்பிடிப்பு பகுதிகளில் மழை குறைந்ததால் மேட்டூர் அணைக்கு நீர்வரத்து படிப்படியாக குறைந்து வருகிறது.

நேற்று 86 கன அடியாக இருந்த நீர்வரத்து இன்று சற்று அதிகரித்து 118 கன அடியாக வந்து கொண்டிருக்கிறது. அணையில் இருந்து காவிரி டெல்டா பாசனத்திற்காக 6 ஆயிரம் கன அடி தண்ணீர் திறந்து விடப்பட்டு வந்த நிலையில் நேற்று முதல் தண்ணீர் திறப்பு 4 ஆயிரம் கன அடி யாக குறைக்கப்பட்டது.

அணைக்கு வரும் தண்ணீரைவிட அணையில் இருந்து பல மடங்கு கூடுதல் தண்ணீர் திறந்து விடப்படுவதால் அணையின் நீர்மட்டம் வேகமாக சரிந்து வருகிறது.

நேற்று 73.50 அடியாக இருந்த மேட்டூர் அணை நீர்மட்டம் இன்று மேலும் சரிந்து 73.09 அடியாக குறைந்தது. இனி வரும் நாட்களில் மேட்டூர் அணை நீர்மட்டம் மேலும் வேகமாக சரிய வாய்ப்புள்ளது. #MetturDam