கேரளாவின் பத்தனம்திட்டா பாராளுமன்ற தொகுதியில் பாஜக வேட்பாளராக சுரேந்திரன் போட்டி

திருவனந்தபுரம்:

பாராளுமன்ற தேர்தலையொட்டி சில மாநிலங்களில் போட்டியிடும் 11 வேட்பாளர்களின் பெயர்கள் அடங்கிய பட்டியலை அக்கட்சியின் டெல்லி தலைமை இன்று வெளியிட்டது.

கேரளாவின் பத்தனம்திட்டா பாராளுமன்ற தொகுதியில் பாஜக வேட்பாளராக சுரேந்திரன் போட்டியிடுவார் என இந்த பட்டியலில் தெரிவிக்கப்பட்டுள்ளது. 

சில மாதங்களுக்கு முன்னர் சபரிமலை ஐயப்பன் கோவிலுக்குள் பெண்களை வழிபாடு செய்ய அனுமதிக்கும் விவகாரத்தில் கேரள மாநில பாஜக தலைவர் ஸ்ரீதரன் பிள்ளை, பொதுச்செயலாளர் கே.சுரேந்திரன் ஆகியோரின் பெயர்கள் ஊடகங்களில் பரவலாக காணப்பட்டது நினைவிருக்கலாம்.

ஆர்.எஸ்.எஸ். மற்றும் அகிலபாரத் வித்யா பரிஷத் இயக்கத்தின் ஆரம்பகால உறுப்பினராக இருந்த சுரேந்திரன் தற்போது வேட்பாளராக அறிவிக்கப்பட்டுள்ள பத்தனம்திட்டா பாராளுமன்ற தொகுதிக்குள் சபரிமலை ஐயப்பன் கோவில் உள்ளது குறிப்பிடத்தக்கது. #BJPticketforSurendran #Pathanamthitta