செய்திகள்

இறுதி வாக்காளர் பட்டியல் 21-ந்தேதி வெளியீடு: தலைமை தேர்தல் அதிகாரி தகவல்

Published On 2018-12-31 11:28 GMT   |   Update On 2018-12-31 11:28 GMT
ஜனவரி 21-ந்தேதி இறுதி வாக்காளர் பட்டியல் வெளியிடப்படுகிறது என்று தலைமை தேர்தல் அதிகாரி தெரிவித்துள்ளார். #VotersList
புதுச்சேரி:

1.1.19-ஐ தகுதிபெறும் தேதியாக கொண்டு புதுவையில் உள்ள சட்டசபை தொகுதிகளில் புகைப்பட வாக்காளர் பட்டியல் சுருக்கு முறை திருத்த பணிகள் நடந்தது.

இறுதி வாக்காளர் பட்டியல் வருகிற 4-ந்தேதி வெளியிட இந்திய தேர்தல் ஆணையம் உத்தரவிட்டிருந்தது. பல்வேறு படிவங்களை சேர்த்தல், நீக்கல், இடம்பெயர்தல் ஆகியவற்றை ஆய்வு செய்து இறுதி செய்வதற்கான காலக்கெடுவை இந்திய தேர்தல் ஆணையம் நீட்டித்துள்ளது.

மேலும் இறுதி வாக்காளர் பட்டியலை ஜனவரி 21-ந்தேதி வெளியிட ஒப்புதலும் அளித்துள்ளது. இதன்படி வருகிற 21-ந்தேதி இறுதி வாக்காளர் பட்டியல் வெளியிடப்பட்டு 27-ந்தேதி வரை அனைத்து ஓட்டுச் சாவடிகளிலும் வாக்காளர் பதிவு அதிகாரிகள், உதவி வாக்காளர் பதிவு அதிகாரிகள், அலுவலகங்களிலும் பொதுமக்கள் பார்வைக்காக வைக்கப்பட்டிருக்கும். தேர்தல்துறையின் இணைய தளத்திலும் இதை பொது மக்கள் பார்வையிடலாம்.

இத்தகவலை புதுவை தலைமை தேர்தல் அதிகாரி கந்தவேலு தெரிவித்துள்ளார். #VotersList
Tags:    

Similar News