லைஃப்ஸ்டைல்

முள்ளங்கி பருப்பு பச்சடி

Published On 2019-04-24 06:34 GMT   |   Update On 2019-04-24 06:34 GMT
சப்பாத்தி, நாண், சூடான சாதத்துடன் சாப்பிட முள்ளங்கி பருப்புப் பச்சடி அருமையாக இருக்கும். இன்று இந்த ரெசிபி செய்முறையை பார்க்கலாம்.
தேவையான பொருட்கள் :

முள்ளங்கி - 2
துவரம்பருப்பு - 100 கிராம்
தக்காளி, பச்சை மிளகாய் - தலா ஒன்று
சீரகம் - ஒரு டீஸ்பூன்
சாம்பார் பொடி - தேவையான அளவு
கறிவேப்பிலை - சிறிதளவு
கடுகு, உளுத்தம்பருப்பு - தலா ஒரு டீஸ்பூன்
பெருங்காயத்தூள் - 2 சிட்டிகை
மஞ்சள்தூள் - சிறிதளவு
எண்ணெய் - 3 டீஸ்பூன் உப்பு - தேவையான அளவு.



செய்முறை :

முள்ளங்கியை தோல் நீக்கி பொடியாக நறுக்கிகொள்ளவும்.

தக்காளி, ப.மிளகாயை பொடியாக நறுக்கி கொள்ளவும்.

குக்கரில் துவரம்பருப்புடன் தேவையான அளவு தண்ணீர் ஊற்றி மூடி, இரண்டு விசில்விட்டு இறக்கவும்.

வாணலியில் எண்ணெய் விட்டு கடுகு, உளுத்தம்பருப்பு, பெருங்காயத்தூள், கறிவேப்பிலை, சீரகம் தாளிக்கவும்.

அதனுடன் முள்ளங்கி, தக்காளி, பச்சை மிளகாய் சேர்த்து லேசாக வதக்கவும்.

பிறகு வேகவைத்த பருப்பு, சாம்பார் பொடி, மஞ்சள்தூள், உப்பு, தேவையான அளவு தண்ணீர் சேர்த்து, அடுப்பை மிதமான தீயில் வைத்து நன்கு வேகவிட்டு இறக்கவும்.

சூப்பரான முள்ளங்கி பருப்புப் பச்சடி ரெடி.

இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
Tags:    

Similar News