லைஃப்ஸ்டைல்

உடலுக்கு சக்தி தரும் மட்டன் ரசம்

Published On 2018-10-17 06:31 GMT   |   Update On 2018-10-17 06:31 GMT
சிக்கனில் ரசம் செய்து சாப்பிட்டு இருப்பீங்க. இன்று மட்டனை வைத்து ரசம் செய்வது எப்படி என்று பார்க்கலாம். இந்த ரசத்தை சூப் போன்றும் குடிக்கலாம்.
தேவையான பொருட்கள் :

மட்டன் - 250 கிராம்,
தக்காளி - 2,
மிளகாய்த்தூள் - அரை டீஸ்பூன்,
தனியாதூள் - அரை டீஸ்பூன்,
புளி - சிறிதளவு,
சீரகத்தூள் - அரை டீஸ்பூன்,
பச்சைமிளகாய் - 3,
உப்பு - தேவையான அளவு.  

தாளிக்க...

மிளகு - அரை டீஸ்பூன்,
காய்ந்த மிளகாய் - 3,
சீரகம் - அரை டீஸ்பூன்,
கறிவேப்பிலை - சிறிதளவு.



செய்முறை :

மட்டனை நன்றாக சுத்தம் செய்து பொடியாக நறுக்கி கொள்ளவும்.

புளியை கரைத்து கொள்ளவும்.

சுத்தம் செய்த மட்டனை குக்கரில் போட்டு சிறிது உப்பு சேர்த்து வேக வைத்து கொள்ளவும்.

தக்காளி நன்றாக நசுக்கி கொள்ளவும்.

கடாயில் எண்ணெய் விட்டு சூடானதும் தாளிக்க வேண்டிய பொருட்களை சேர்த்து தாளித்த பின்னர் தக்காளி, ப.மிளகாய், தனியா, சீரகத் தூள் சேர்த்து வதக்கவும்.

தக்காளி சற்று வதங்கியதும் வேக வைத்த மட்டனை தண்ணீருடன் சேர்த்து தேவையான அளவு உப்பு சேர்த்து, நன்கு கொதிக்க விடவும்.

கடைசியாக கரைத்த புளி கரைசல், கொத்தமல்லி தூவி கொதி வரும் போது இறக்கி பரிமாறவும்.

சூப்பரான மட்டன் ரசம் ரெடி.

இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
Tags:    

Similar News