லைஃப்ஸ்டைல்

சர்க்கரை நோயாளிகளுக்கு மக்காச்சோளம் ரொட்டி

Published On 2019-04-01 05:32 GMT | Update On 2019-04-01 05:32 GMT

மக்காச்சோளம் ரொட்டி சர்க்கரை நோயாளிகள், இதய நோயாளிகள் மற்றும் காச நோயாளிகளுக்கும் ஏற்றது. சிறுநீரக கல் வராமலும் தடுக்கும். இந்த ரொட்டி செய்முறையை பார்க்கலாம்.

தேவையான பொருட்கள் :

மக்காச்சோள மாவு - 1 கப்

தண்ணீர் - 1/2 கப்

செய்முறை:

அகன்ற பாத்திரத்தில் மக்காச்சோள மாவை கொட்டி அதனுடன் அரை கப் தண்ணீர் விட்டு நன்றாக பிசைந்து கொள்ளவும். சிறிதளவு வெந்நீரும் பயன்படுத்தி மாவை பிசைந்துகொள்ளலாம்.

பின்னர் சிறு சிறு உருண்டைகளாக உருட்டிக்கொள்ளவும். அதனை சப்பாத்தி மாவு கட்டையால் தேய்த்து ரொட்டிகளாக தயார் செய்து கொள்ளவும்.

ரொட்டியின் விளிம்பில் விரிசல் ஏற்படும். அதனால் பட்டர் பேப்பரில் மாவை வைத்து மூடி அதன் மேல் பகுதியில் சப்பாத்தி மாவு கட்டையை தேய்த்தும் தயார் செய்யலாம்.

சிறு தீயில் தவாவை வைத்து ரொட்டியை பரப்பி பொன்னிறம் வரும் வரை பொரித்தெடுக்கவும். ரொட்டியை அடுப்பில் கருப்பு நிறம் வரும் வரை வைத்துவிடக் கூடாது.

இந்த மக்காச்சோளம் ரொட்டி சாப்பிட்டு வந்தால் உடல் எடை அதிகரிக்காது. இது சர்க்கரை நோயாளிகள், இதய நோயாளிகள் மற்றும் காச நோயாளிகளுக்கும் ஏற்றது. சிறுநீரக கல் வராமலும் தடுக்கும்.

இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்