லைஃப்ஸ்டைல்

சத்தான ஸ்நாக்ஸ் சிறுதானிய சத்து உருண்டை

Published On 2019-02-02 05:29 GMT   |   Update On 2019-02-02 05:29 GMT
குழந்தைகளுக்கு சத்தான ஸ்நாக்ஸ் செய்து கொடுக்க விரும்பினால் சிறுதானிய சத்து உருண்டை செய்து கொடுக்கலாம். இன்று இதன் செய்முறையை பார்க்கலாம்.
தேவையான பொருட்கள் :

நாட்டுச்சர்க்கரை - 2 கப்
தேங்காய் துருவல் - அரை கப்
கோதுமை - கால் கப்
கம்பு - கால் கப்
கொள்ளு - கால் கப்
பச்சைப் பயறு - கால் கப்
காராமணி - கால் கப்
பொரிக்கடலை - கால் கப்
எள் - 2 தேக்கரண்டி
நெய் - தேவையான அளவு



செய்முறை :

நாட்டுச்சர்க்கரையை பொடித்து கொள்ளவும்.

அனைத்து தானியங்களையும் வெறும் வாணலியில் போட்டு வாசனை வரும் வரை வறுத்து ஆறியதும் மிக்சியில் போட்டு பொடித்து கொள்ளவும்.

அரைத்த மாவுடன் பொரிக்கடலை, பொடித்த நாட்டுச்சர்க்கரை, தேங்காய் துருவலை சேர்த்து நன்றாக கலந்து கொள்ளவும்.

நெய்யை உருக்கி மாவில் ஊற்றவும்.

சற்று சூடாக இருக்கும் போதே மாவை உருண்டைகளாக பிடித்து வைக்கவும்.

சத்தான சிறுதானிய இனிப்பு உருண்டை ரெடி.

இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
Tags:    

Similar News