லைஃப்ஸ்டைல்

ஆரோக்கியமான மாதுளை பச்சைபயிறு சாலட்

Published On 2019-01-28 04:08 GMT   |   Update On 2019-01-28 04:08 GMT
மாதுளம், பச்சைபயிறு உடலுக்கு ஆரோக்கியமானது. இதை சாலட் செய்து தினமும் காலையில் உணவாக சாப்பிட்டால் உடலில் சர்க்கரையின் அளவு சீராக்கும்.
தேவையான பொருட்கள் :

முளைகட்டிய பச்சைபயிறு - 1 கப்
மாதுளை விதைகள் - 1 கப்
கொத்தமல்லி இலை - தேவையான அளவு
எலுமிச்சை சாறு - 1 டீஸ்பூன்
வறுத்த வேர்க்கடலை - சிறிதளவு
கடுகு - டீஸ்பூன்
உப்பு - போதுமான அளவு
சீரகம் - 1 டீஸ்பூன்
எண்ணெய் - அரை டீஸ்பூன்
கரம் மசாலா - 1 டீஸ்பூன்



செய்முறை :

கொத்தமல்லியை பொடியாக நறுக்கி கொள்ளவும்.

முதலில் ஒரு சிறிய பாத்திரத்தில் முளைகட்டிய பச்சை பயிறு, மாதுளை விதைகள், வறுத்த வேர்க்கடலை, கரம் மசாலா, கொத்தமல்லி, தேவையான உப்பு சேர்த்து நன்றாக கலந்து கொள்ளவும்.

அடுத்து அதில் எலுமிச்சை சாற்றை பிழிந்து நன்றாக கலக்கவும்.

அடுப்பில் கடாயை வைத்து எண்ணெய் ஊற்றி சூடானதும் சீரகம், கடுகு போட்டு பொரிந்ததும் சாலட்டில் ஊற்றி நன்கு கலக்க வேண்டும்.

ஆரோக்கியம் மற்றும் சுவையான மாதுளை பச்சைபயிறு சாலட் ரெடி!!!

இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
Tags:    

Similar News