லைஃப்ஸ்டைல்

சத்தான சுவையான வெந்தயக்கீரை தயிர் கறி

Published On 2018-11-14 04:02 GMT   |   Update On 2018-11-14 04:02 GMT
வெந்தயக்கீரையில் அதிகளவு சத்துக்கள் நிறைந்துள்ளது. இன்று தயிர் சேர்த்து சத்தான சுவையான வெந்தயக்கீரை கறி செய்வது எப்படி என்று பார்க்கலாம்.
தேவையான பொருட்கள்:

வெந்தயக்கீரை - 1 கட்டு
தயிர் - 1 கப்
பச்சை மிளகாய் - 3
இஞ்சி - 1 சிறிய துண்டு
கடுகு, உளுத்தம் பருப்பு - 2 ஸ்பூன்
காய்ந்த மிளகாய் - 3
பூண்டு - தலா 3
எண்ணெய் - 4 டேபிள் ஸ்பூன்
கறிவேப்பிலை - 2 கொத்து
உப்பு - தேவையான அளவு



செய்முறை :

வெந்தயக்கீரையை கழுவி, நன்றாக சுத்தம் செய்து பொடியாக நறுக்கிக் கொள்ளவும்.

பச்சை மிளகாயை பொடியாக நறுக்கி கொள்ளவும்.

இஞ்சியை தட்டி வைத்துக் கொள்ளவும்.

வாணலியில் எண்ணெய் ஊற்றி, காய்ந்ததும் அதில் கடுகு, உளுத்தம் பருப்பு காய்ந்த மிளகாயை கிள்ளிப் போட்டு, ப.மிளகாய், பூண்டு, இஞ்சி, கறிவேப்பிலை போட்டு மிதமான தீயில் வதக்கவும்.

பின், அரிந்து வைத்திருக்கும் கீரையை சேர்த்து நன்றாக வதக்கி இறக்கவும்.

அதனுடன் தயிர் சேர்த்துக் கலக்கி, மீண்டும் அடுப்பில் வைத்து, ஐந்து நிமிடம் கொதிக்க விட்டால், வெந்தயக்கீரை தயிர் கறி தயார்.

இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
Tags:    

Similar News