வாயு வேகத்தில் பலன் தரும் சுவாதி வழிபாடு

சுவாதி நட்சத்திரம் வாயுவின் நட்சத்திரம், வாயுபகவான் எவ்வளவு வேகத்தில் வருகிறாரோ அது போல் நரசிம்மரை சுவாதி நட்சத்திரத்தில் வழிபாடு செய்தால் வாயு வேகத்தில் வந்து நரசிம்மர் நம்மை பாதுகாத்து அருள் செய்வார். சுவாதி நட்சத்திரத்தில் நரசிம்மரை தொடர்ந்து வழிபாடு செய்தால் ருண விமோசனம் என்று கூறக்கூடிய கடன் தொல்லைகள் நீங்கி செல்வச் செழிப்புகள் ஏற்படும், வியாபார அபிவிருத்தி உண்டாகும். நரசிம்மர் அவதாரம் எடுத்த காலம் மாலைப்பொழுது என்பதால் மாலை வேளையில் நரசிம்மரை வழிபாடு செய்தால் விசேஷமான பலன்கள் கிட்டும்.

சுவாதி நட்சத்திரத்தன்று நடைபெறும் மூலிகை ஹோமம் வழிபாடு மிகுந்த பலன்களைத் தரும். இந்த ஹோமத்தில் என்னென்ன பொருட்களை சேர்த்தால், என்னென்ன பலன்கள் கிடைக்கும் என்ற விவரம் வருமாறு:-

அருகம்புல் - காரியத்தடை நீங்குதல்
தேன் கலந்த மல்லிகை புஷ்பம் -
கல்யாணத் தடை நீங்குதல்
துளசி பத்ரம் - சர்வபாப நிவர்த்தி

எள் - பிதுர்தோஷம் நீக்கும்.
அரசு சமித்து - சந்தான பாக்யம்
பச்சைக் கற்பூரம் - கல்வியல் முன்னேற்றம்
சிந்தில் - ஆயுள் அபிவிருத்தி

செந்தாமரை -  கடன் தொல்லை நீங்குதல்
வில்வ பத்ரம் - மகாலட்சுமி கடாஷம்
வெண் கடுகு - எதிரிகள் தொல்லை நீங்குதல்
நாயுருவி - நவக்கிரக தோஷ நிவர்த்தி

கருங்காலி - பில்லி, சூன்யம் நிவர்த்தி
குங்குமப்பூ - ரத்தம் சம்பந்தப்பட்ட வியாதி நிவர்த்தி
வெற்றிவேர், விளாமுச்சுவேர் - சகலகாரிய அனுகூலம்
விஷ்ணுக்ரந்தி - சர்வதோஷ நிவாரணம்.