ஹெச்.எம்.டி. குளோபல் நிறுவனம் நோக்கியா 2.2 ஆண்ட்ராய்டு ஒன் ஸ்மார்ட்போனினை இந்தியாவில் அறிமுகம் செய்துள்ளது. இது அந்நிறுவனம் கடந்த ஆண்டு அறிமுகம் செய்த நோக்கியா 2.1 ஸ்மார்ட்போனின் மேம்பட்ட மாடல் ஆகும்.
புதிய நோக்கியா 2.2 ஸ்மார்ட்போனில் 5.71 இன்ச் ஹெச்.டி. பிளஸ் ஸ்கிரீன், மீடியாடெக் ஹீலியோ ஏ22 12 என்.எம். பிராசஸர், 3 ஜி.பி. ரேம், ஆண்ட்ராய்டு 9.0 (பை) இயங்குதளம் வழங்கப்பட்டுள்ளது. இத்துடன் அடுத்த இரண்டு ஆண்டுகளுக்கு ஆண்ட்ராய்டு அப்டேட்களும், மூன்று ஆண்டுகளுக்கான செக்யூரிட்டி அப்டேட்டகளை வழங்குவதாக அறிவிக்கப்பட்டுள்ளது.
புதிய நோக்கியா ஸ்மார்ட்போனில் புகைப்படங்களை எடுக்க 13 எம்.பி. பிரைமரி கேமரா, ஏ.ஐ. லோ-லைட் அம்சம், ஹெச்.டி.ஆர். மோட், 5 எம்.பி. செல்ஃபி கேமரா, ஃபேஸ் அன்லாக் உள்ளிட்டவை வழங்கப்பட்டுள்ளது.
பிரத்யேக டூயல் சிம் ஸ்லாட், மைக்ரோ எஸ்.டி. ஸ்லாட் கொண்டிருக்கும் நோக்கியா 2.2 ஸ்மார்ட்போனில் கூகுள் அசிஸ்டண்ட் பட்டன் மற்றும் 3000 எம்.ஏ.ஹெச். பேட்டரி வழங்கப்பட்டுள்ளது.
நோக்கியா 2.2 சிறப்பம்சங்கள்
- 5.71 இன்ச் 720x1520 பிக்சல் ஹெச்.டி. பிளஸ் டி.எஃப்.டி. எல்.சி.டி. 2.5D வளைந்த கிளாஸ் டிஸ்ப்ளே
- 2 ஜிகாஹெர்ட்ஸ் குவாட்கோர் மீடியாடெக் ஹீலியோ ஏ22 12 என்.எம். பிராசஸர்
- IMG பவர் வி.ஆர். GE-கிளாஸ் GPU
- 2 ஜி.பி. ரேம், 16 ஜி.பி. மெமரி
- 3 ஜி.பி. ரேம், 32 ஜி.பி. மெமரி
- மெமரியை கூடுதலாக நீட்டிக்கும் வசதி
- டூயல் சிம் ஸ்லாட்
- ஆண்ட்ராய்டு 9.0 (பை)
- 13 எம்.பி. பிரைமரி கேமரா, எல்.இ.டி. ஃபிளாஷ், f/2.2, 1.12um பிக்சல்
- 5 எம்.பி. செல்ஃபி கேமரா, f/2.2, 1.12um பிக்சல்
- 3.5 எம்.எம். ஹெட்போன் ஜாக், எஃப்.எம். ரேடியோ
- டூயல் 4ஜி வோல்ட்இ, வைபை, ப்ளூடூத்
- 3000 எம்.ஏ.ஹெச். பேட்டரி
நோக்கியா 2.2 ஸ்மார்ட்போன் ஸ்டீல் மற்றும் டங்ஸ்டன் பிளாக் என இருவித நிறங்களில் கிடைக்கிறது. இதன் 2 ஜி.பி. ரேம், 16 ஜி.பி. மெமரி மாடல் விலை ரூ.6,999 என்றும் 3 ஜி.பி. ரேம், 32 ஜி.பி. மெமரி மாடல் விலை ரூ.7,999 என நிர்ணயம் செய்யப்பட்டுள்ளது. தற்சயம் அறிவிக்கப்பட்டு இருப்பது சிறப்பு விலை என்றும் ஜூன் 30 ஆம் தேதிக்கு பின் இதன் விலை அதிகரிக்கப்படும் என தெரிவிக்கப்பட்டுள்ளது.
புதிய நோக்கியா ஸ்மார்ட்போனிற்கான முன்பதிவுகள் நோக்கியா அதிகாரப்பூர்வ வலைதளங்களில் துவங்குகிறது. இதன் விற்பனை நோக்கியா வலைதளம், ப்ளிப்கார்ட் மற்றும் ஆஃப்லைன் வணிகர்களிடம் ஜூன் 11 ஆம் தேதி முதல் துவங்குகிறது.
