என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
தொழில்நுட்பம்
X
ஒரு மாதத்தில் பத்து லட்சம் யூனிட்கள் விற்பனையான ரெட்மி ஸ்மார்ட்போன்
Byமாலை மலர்11 April 2019 4:58 AM GMT (Updated: 11 April 2019 8:01 AM GMT)
சியோமி நிறுவனம் சமீபத்தில் அறிமுகம் செய்த ரெட்மி ஸ்மார்ட்போன்கள் ஒரே மாதத்தில் பத்து லட்சம் யூனிட்கள் விற்பனையாகி இருக்கின்றன. #RedmiNote7
சியோமி நிறுவனம் ரெட்மி நோட் 7 மற்றும் நோட் 7 ப்ரோ ஸ்மார்ட்போன்களை பிப்ரவரி மாதத்தில் இந்தியாவில் அறிமுகம் செய்தது. ரெட்மி நோட் 7 ப்ரோ ஸ்மார்ட்போனின் 6 ஜி.பி. ரேம், 128 ஜி.பி. மெமரி மாடல் முதல் முறையாக நேற்று விற்பனை செய்யப்பட்டது.
இரு ஸ்மார்ட்போன்களுக்கும் அதிக எதிர்பார்ப்பு இருந்ததால், பல வாரங்களாக இவை ஃபிளாஷ் முறையில் விற்பனை செய்யப்படுகின்றன. அந்த வகையில் ரெட்மி நோட் 7 சீரிஸ் ஸ்மார்ட்போன்களை பத்து லட்சம் பேர் வாங்கியிருப்பதாக சியோமி இந்தியா தெரிவித்துள்ளது.
இத்தனை யூனிட்கள் விற்பனையை சியோமி ஒரே மாதத்தில் பெற்றிருக்கிறது. பத்து லட்சம் யூனிட்கள் ஆன்லைன் மற்றும் ஆஃப்லைன் விற்பனையை சேர்த்ததாகும். ரெட்மி நோட் 7 ஸ்மார்ட்போன் ஸ்னாப்டிராகன் 660 பிராசஸர் மற்றும் 3 ஜி.பி. ரேம், 32 ஜி.பி. மெமரி, 4 ஜி.பி. ரேம், 64 ஜி.பி. மெமரி என இருவித ஆப்ஷன்களில் கிடைக்கிறது. இத்துடன் 12 எம்.பி. + 2 எம்.பி. பிரைமரி கேமராக்கள், எல்.இ.டி. ஃபிளாஷ், 13 எம்.பி. செல்ஃபி கேமரா மற்றும் 4000 எம்.ஏ.ஹெச். பேட்டரி கொண்டிருக்கிறது.
ரெட்மி நோட் 7 ப்ரோ ஸ்மார்ட்போனில் ஸ்னாப்டிராகன் 675 பிராசஸர், 4 ஜி.பி. ரேம், 64 ஜி.பி. மெமரி, 6 ஜி.பி. ரேம், 128 ஜி.பி. மெமரி என இருவித ஆப்ஷன்களில் கிடைக்கிறது. புகைப்படங்களை எடுக்க 48 எம்.பி. சோனி IMX586 + 5 எம்.பி. பிரைமரி கேமரா, 13 எம்.பி. செல்ஃபி கேமரா வழங்கப்படுகிறது.
A million units sold before today's sale. #RedmiNote7 & #RedmiNote7Pro have made their mark in just a month.
— Redmi India (@RedmiIndia) April 10, 2019
We know a lot of you are waiting and we promise that you'll have it soon. We've already ramped up production.
RT to spread ❤️ & win F- codes. pic.twitter.com/eZxU3H4liJ
தோற்றத்தில் ரெட்மி நோட் 7 மற்றும் நோட் 7 ப்ரோ ஸ்மார்ட்போன்களில் அதிகளவு மாற்றங்கள் செய்யப்படவில்லை. இந்தியாவில் ரெட்மி நோட் 7 ப்ரோ 4 ஜி.பி. வேரியண்ட் ரூ.13,999 விலையிலும், 6 ஜி.பி. ரேம் வேரியண்ட் ரூ.16,999 விலையில் கிடைக்கிறது. இந்த ஸ்மார்ட்போன் ஸ்பேஸ் பிளாக், நெபுளா ரெட் மற்றும் நெப்டியூன் புளு உள்ளிட்ட நிறங்களில் கிடைக்கிறது.
ரெட்மி நோட் 7 ஸ்மார்ட்போன் 3 ஜி.பி. ரேம் வேரியண்ட் ரூ.9,999 விலையிலும் 4 ஜி.பி. ரேம் வேரியண்ட் ரூ.11,999 விலையில் விற்பனை செய்யப்படுகிறது. இந்த ஸ்மார்ட்போன் ஆனிக்ஸ் பிளாக், சஃபையர் புளு மற்றும் ரூபி ரெட் உள்ளிட்ட நிறங்களில் கிடைக்கிறது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X