search icon
என் மலர்tooltip icon

    தொழில்நுட்பம்

    மீண்டும் 100 சதவிகிதம் கேஷ்பேக் வழங்கும் வோடபோன்
    X

    மீண்டும் 100 சதவிகிதம் கேஷ்பேக் வழங்கும் வோடபோன்

    வோடபோன் நிறுவன வாடிக்கையாளர்களுக்கு அந்நிறுவனம் மீண்டும் 100 சதவிகித கேஷ்பேக் வழங்குவதாக அறிவித்துள்ளது. #Vodafone



    வோடபோன் நிறுவனம் கடந்த ஆண்டு நவம்பரில் 100 சதவிகிதம் கேஷ்பேக் வழங்குவதாக அறிவித்து, இதனை டிசம்பர் 2018 வரை மட்டுமே வழங்கியது. 

    இந்நிலையில், 100 சதவிகித கேஷ்பேக் சலுகையை மீண்டும் வழங்குவதாக வோடபோன் அறிவித்துள்ளது. 100 சதவிகிதம் கேஷ்பேக் சலுகை தேர்வு செய்யப்பட்ட அன்லிமிட்டெட் சலுகைகளுக்கு வழங்கப்படுகிறது. இதுமட்டுமின்றி, இந்த சலுகை ஒவ்வொரு வட்டாரத்திற்கும் ஏற்ப மாறுபடுகிறது.

    இதனை ஆக்டிவேட் செய்ய மைவோடபோன் செயலி மூலம் ரீசார்ஜ் செய்ய வேண்டும். முன்னதாக 100 சதவிகிதம் கேஷ்பேக் சலுகை மூன்று அன்லிமிட்டெட் சலுகைகளுக்கு வழங்கப்பட்டது. இம்முறை கூடுதலாக ஒரு சலுகைக்கும் சேர்த்து மொத்தம் நான்கு அன்லிமிட்டெட் சலுகைகளுக்கு வழங்கப்படுகிறது.



    வோடபோன் ரூ.199, ரூ.399, ரூ.458 மற்றும் ரூ.509 உள்ளிட்ட சலுகைகளுக்கு 100 சதவிகிதம் கேஷ்பேக் வழங்கப்படுகிறது. கேஷ்பேக் தொகையை வோடபோன் ரூ.50 மதிப்புள்ள வவுச்சர்களின் வடிவில் வழங்குகிறது. இதனால் ரூ.199 செலுத்தி ரீசார்ஜ் செய்யும் போது ரூ.50 மதிப்புள்ள நான்கு வவுச்சர்கள் வழங்கப்படுகின்றன. இவற்றை அடுத்தடுத்த ரீசார்ஜ்களில் பயன்படுத்திக் கொள்ளலாம்.

    இதேபோன்று ரூ.509 செலுத்தும் போது ரூ.50 மதிப்புள்ள பத்து வவுச்சர்கள் வழங்கப்படுகின்றன. இதன்பின் மேற்கொள்ளும் ரீசார்ஜ்களில் 25 சதவிகிதம் தள்ளுபடி பெற முடியும். 

    கேஷ்பேக் வழங்கப்படும் அன்லிமிட்டெட் சலுகைகளில் அன்லிமிட்டெட் வாய்ஸ் கால் எவ்வித கட்டுப்பாடும் இன்றி வழங்கப்படுகிறது. இத்துடன் தினமும் 100 எஸ்.எம்.எஸ். வழங்கப்படுகிறது. ரூ.199 சலுகையில் 28 நாட்கள் வேலிடிட்டி, 1.5 ஜி.பி. டேட்டா வழங்கப்படுகிறது. 

    ரூ.399 சலுகையில் 84 நாட்கள் வேலிடிட்டி, 1 ஜி.பி. டேட்டாவும், ரூ.458 சலுகையில் 1.5 ஜி.பி. டேட்டா, 84 நாட்கள் வேலிடிட்டியுடன் வழங்கப்படுகிறது. ரூ.504 சலுகையில் 1.5 ஜி.பி. டேட்டா, 90 நாட்கள் வேலிடிட்டி வழங்கப்படுகிறது. டேட்டா அளவு தீர்ந்ததும், கூடுதல் டேட்டாவிற்கான கட்டணம் செலுத்த வேண்டும்.
    Next Story
    ×