search icon
என் மலர்tooltip icon

    தொழில்நுட்பம்

    ரூ.8000 பட்ஜெட்டில் உருவாகும் சியோமி ஸ்மார்ட்போன் விரைவில் அறிமுகம்
    X

    ரூ.8000 பட்ஜெட்டில் உருவாகும் சியோமி ஸ்மார்ட்போன் விரைவில் அறிமுகம்

    சியோமி நிறுவனம் ரெட்மி 7 ஸ்மார்ட்போனின் சிறப்பம்சங்கள் மற்றும் விலை சார்ந்த விவரங்கள் இணையத்தில் லீக் ஆகியுள்ளது. #Redmi7 #Smartphone



    சியோமி நிறுவனம் சமீபத்தில் ரெட்மி நோட் 7 மற்றும் ரெட்மி நோட் 7 ப்ரோ ஸ்மார்ட்போன்களை இந்தியாவில் அறிமுகம் செய்தது. இவற்றின் விலை முறையே ரூ.10,000 மற்றும் ரூ.15,000 பட்ஜெட்டில் நிர்ணயம் செய்யப்பட்டிருக்கிறது. இந்நிலையில், சியோமி தனது ரெட்மி 7 ஸ்மார்ட்போனினை அறிமுகம் செய்ய இருக்கிறது. 

    சீனாவின் TENAA வலைதளத்தில் ரெட்மி 7 ஸ்மார்ட்போன் பட்டியலிடப்பட்டுள்ளது. புதிய ரெட்மி 7 ஸ்மார்ட்போனின் சிறப்பம்சங்களை தொடர்ந்து பார்ப்போம்.



    ரெட்மி 7 சிறப்பம்சங்கள்:

    - 6.26 இன்ச் ஐ.பி.எஸ். எல்.சி.டி. ஸ்கிரீன்
    - குவால்காம் ஸ்னாப்டிராகன் 632/636 பிராசஸர்
    - 2/3/4 ஜி.பி. ரேம்
    - 16/32/64 ஜி.பி. மெமரி
    - மெமரியை கூடுதலாக நீட்டிக்கும் வசதி
    - 12 எம்.பி. பிரைமரி கேமரா, எல்.இ.டி. ஃபிளாஷ்
    - 8 எம்.பி. செல்ஃபி கேமரா
    - 4ஜி எல்.டி.இ. மற்றும் வோல்ட்இ
    - மைக்ரோ எஸ்.டி. ஸ்லாட்
    - ஆண்ட்ராய்டு 9 பை, MIUI 11
    - 4000 எம்.ஏ.ஹெச். பேட்டரி
    - ஃபாஸ்ட் சார்ஜிங்

    விலையை பொருத்தவரை ரெட்மி 7 ஸ்மார்ட்போனின் பேஸ் வேரியண்ட் விலை 799 யுவான் (இந்திய மதிப்பில் ரூ.8000) வரை நிர்ணயம் செய்யப்படலாம் என கூறப்படுகிறது.
    Next Story
    ×