search icon
என் மலர்tooltip icon

    தொழில்நுட்பம்

    சாம்சங் ஃபிளாக்ஷிப் ஸ்மார்ட்போன்களின் லிமிட்டெட் எடிஷன் இந்தியாவில் வெளியானது
    X

    சாம்சங் ஃபிளாக்ஷிப் ஸ்மார்ட்போன்களின் லிமிட்டெட் எடிஷன் இந்தியாவில் வெளியானது

    சாம்சங் நிறுவனம் இந்த ஆண்டு அறிமுகம் செய்த கேலக்ஸி நோட் 9 மற்றும் கேலக்ஸி எஸ்9 பிளஸ் ஸ்மார்ட்போன்களின் லிமிட்டெட் எடிஷன் மாடல்கள் இந்தியாவில் வெளியானது. #GalaxyNote9 #GalaxyS9Plus

     

    சாம்சங் நிறுவனம் இந்த ஆண்டு அறிமுகம் செய்த கேலக்ஸி நோட் 9 மற்றும் கேலக்ஸி எஸ்9 பிளஸ் ஃபிளாக்ஷிப் ஸ்மார்ட்போன் மாடல்களின் லிமிட்டெட் எடிஷனை இந்தியாவில் வெளியிட்டுள்ளது.

    கேலக்ஸி நோட் 9 ஸ்மார்ட்போன் ஆல்பைன் வைட் நிறத்திலும், கேலக்ஸி எஸ்9 பிளஸ் ஸ்மார்ட்போன் ரேடியன்ட் போலாரிஸ் புளு நிறத்திலும் அறிமுகம் செய்யப்பட்டுள்ளன. சாம்சங் கேலக்ஸி நோட் 9 ஸ்மார்ட்போன் புது ஆல்பைன் வைட் நிறம் தவிர ஓசன் புளு, மிட்நைட் பிளாக், மெட்டாலிக் காப்பர் மற்றும் லாவென்டர் பர்ப்பிள் உள்ளிட்ட நிறங்களில் கிடைக்கிறது. 

    இதேபோன்று கேலக்ஸி எஸ்9 பிளஸ் ஸ்மார்ட்போன் ரேடியன்ட் போலாரிஸ் புளு நிறம் தவிர மிட்நைட் பிளாக், கோரல் புளு, லிலாக் பர்ப்பிள், சன்ரைஸ் கோல்டு, பர்கன்டி ரெட் உள்ளிட்ட நிறங்களில் விற்பனை செய்யப்படுகிறது.



    சாம்சங் கேலக்ஸி நோட் 9 ஆல்பைன் வைட் எடிஷன் 128 ஜி.பி. மெமரி மாடல் விலை இந்தியாவில் ரூ.67,900 என்றும் கேலக்ஸி எஸ்9 பிளஸ் போலாரிஸ் புளு நிற எடிஷன் விலை ரூ.64,900 என நிர்ணயம் செய்யப்பட்டுள்ளது. இரண்டு லிமிட்டெட் எடிஷன் ஸ்மார்ட்போன் மாடல்களும் சாம்சங் ஆன்லைன் வலைதளம் மற்றும் தேர்வு செய்யப்பட்ட ஆன்லைன் வலைதளங்களில் முன்பதிவு செய்யப்படுகிறது.

    இந்த ஸ்மார்ட்போன்கள் ஆஃப்லைன் தளங்களில் டிசம்பர் 10ம் தேதி முதல் கிடைக்கும் என தெரிவிக்கப்பட்டுள்ளது. புது ஸ்மார்ட்போன் மாடல்களை வாங்குவோர் தேர்வு செய்யப்பட்ட வங்கி கார்டுகளை கொண்டு பணம் செலுத்தும் போது அதிகபட்சம் ரூ.6000 வரை கேஷ்பேக், பழைய ஸ்மார்ட்போன் மாடல்களை எக்சேஞ்ச் செய்யும் போது அதிகபட்சம் ரூ.9,000 வரை தள்ளுபடி பெற முடியும். #GalaxyNote9 #GalaxyS9Plus 
    Next Story
    ×