ஒப்போ துணை பிரான்டான ரியல்மி இந்தியாவில் அடுத்த வாரம் யு1 ஸ்மார்ட்போன் மாடலை அறிமுகம் செய்ய இருக்கிறது. நவம்பர் 28ம் தேதி புதிய ஸ்மார்ட்போன் அறிமுகம் செய்யப்பட இருக்கும் நிலையில், ஸ்மார்ட்போனின் ரீடெயில் புகைப்படம் இணையத்தில் லீக் ஆகியுள்ளது.
புதிய புகைப்படங்களின் படி ரீடெயில் பெட்டின் மேல் யு1 பிரான்டிங் செய்யப்பட்டுள்ளது. பெட்டியின் பக்கவாட்டில் ஸ்மார்ட்போனின் முழு பெயர் இடம்பெற்றிருக்கிறது. ரீடெயில் பாக்ஸ் கருப்பு நிறம் கொண்டிருக்கிறது. ரியல்மி மற்ற ஸ்மார்ட்போன் மாடல்கள் வெள்ளை நிற பெட்டியில் வழங்கப்படுகிறது.
புதிய ஸ்மார்ட்போனில் தலைசிறந்த செல்ஃபி கேமரா கொண்டிருக்கும் என ரியல்மி தெரிவித்துள்ளது. இதில் ரியல்மி 2 ப்ரோ மாடலில் அறிமுகம் செய்யப்பட்ட வாட்டர் டிராப் நாட்ச் கொண்டிருக்கும் என்றும், அதிகபட்சமான ஸ்கிரீன்-டு-பாடி ரேஷியோ மற்றும் மெல்லிய பெசல்களை கொண்டிருக்கலாம் என கூறப்படுகிறது.
புகைப்படம் நன்றி: SlashLeaks
மீடியாடெக் ஹீலியோ P70 பிராசஸரில் 12 நானோமீட்டர் ஃபின்ஃபெட் தொழில்நுட்பத்தைச் சார்ந்து உருவாக்கப்பட்டுள்ளது. எனினும், இந்த பிராசஸரில் வேகமான ஏ.ஐ. பிராசஸிங் செய்ய ஏதுவாக 525 மெகாஹெர்ட்ஸ் மல்டி-கோர் ஏ.பி.யு. ஆப்பரேட்டிங் கொண்டிருக்கிறது.
இந்த ஏ.ஐ. என்ஜின் ஹீலியோ P60 பிராசஸரை விட ஏ.ஐ. பிராசஸிங்கை 10 முதல் 30 சதவிகிதம் வரை மேம்படுத்துகிறது. இதனுடன் ARM மாலி-G72 MP3 GPU அதிகபட்சம் 900 மெகாஹெர்ட்ஸ் ஆப்பரேட்டிங் கொண்டுள்ளது. இது முந்தைய ஹீலியோ P60 பிராசஸரில் வழங்கப்பட்டு இருந்ததை விட 13 சதவிகிதம் வேகமான செயல்திறன் கொண்டிருக்கிறது.
அதிக செயல்திறன் எடுத்துக்கொள்ளும் அதிநவீன கேம்களை விளையாடும் போதும் P70 பிராசஸர் முந்தைய ஹீலியோ பிராசஸரை விட 7 சதவிகிதம் சிறப்பாக செயல்படுவதோடு 35 சதவிகிதம் குறைவான மின்சக்தியை பயன்படுத்துகிறது. இந்த பிராசஸர் 20:9 ரக டிஸ்ப்ளேக்களை முழுமையான ஹெச்.டி. பிளஸ் ரெசல்யூஷனில் சப்போர்ட் செய்யும்.
