சியோமி நிறுவனம் இந்தியாவில் தனது பொருட்களின் விலையை மாற்றியமைக்கிறது. புதிய விலை மாற்றத்திற்கான அறிவிப்பை அந்நிறுவன இந்திய தலைவர் மனு குமார் ஜெயின் தனது ட்விட்டர் பக்கத்தில் பதிவிட்டு இருந்தார்.
புதிய மாற்றத்தின் படி ரெட்மி நோட் 5 ப்ரோ, Mi டி.வி.4 55-இன்ச் 4K டி.வி., ரெட்மி 6, ரெட்மி 6ஏ, 10000 எம்.ஏ.ஹெச். Mi பவர்பேங்க் 2i, Mi டி.வி. 32 இன்ச் ப்ரோ மற்றும் 49 இன்ச் ப்ரோ மாடல்களின் விலை அதிகரிக்கப்படுகிறது.
இந்திய ரூபாய் மதிப்பு சரிவு தான் சியோமி சாதனங்களின் விலை ஏற்றப்படுவதற்கான காரணம் என அந்நிறுவனம் தெரிவித்துள்ளது. ரெட்மி 6 மற்றும் ரெட்மி 6ஏ ஸ்மார்ட்போன்கள் மற்றும் Mi எல்.இ.டி. டி.வி. 4 ப்ரோ சீரிஸ் விலை இரண்டு மாதங்களுக்கு பின் அதிகரிக்கப்படலாம் என சியோமி நிறுவனம் ஏற்கனவே அறிவித்திருந்தது.
புதிய விலை பட்டியல்:
சியோமி ரெட்மி 6ஏ (2 ஜி.பி. + 16 ஜி.பி.) – ரூ. 6599 (ரூ. 600 அதிகம்)
சியோமி ரெட்மி 6ஏ (2 ஜி.பி. + 16 32GB) – ரூ. 7499 (ரூ. 500 அதிகம்)
சியோமி ரெட்மி 6 (3 ஜி.பி. + 32 ஜி.பி.) – ரூ. 8499 (ரூ. 500 அதிகம்)
சியோமி Mi எல்.இ.டி. டி.வி. 4சி ப்ரோ 32 இன்ச் – ரூ. 15999 (ரூ. 1000 அதிகம்)
சியோமி Mi எல்.இ.டி. டி.வி 4ஏ ப்ரோ 49 இன்ச் – ரூ. 31999 (ரூ. 2000 அதிகம்)
சியோமி 10000 எம்.ஏ.ஹெச். Mi பவர் பேங்க் 2i பிளாக் – ரூ. 899 (ரூ. 100 அதிகம்)
