சியோமி நிறுவனம் அறிமுகம் செய்த போகோ எஃப்1 ஸ்மார்ட்போன் ஆன்லைனில் மட்டும் பிரத்யேகமாக விற்பனை செய்யப்படுகிறது. அதிக சக்திவாய்ந்த சிறப்பம்சங்களை குறைந்த விலையில் வழங்குவதால் போகோ எஃப்1 ஸ்மார்ட்போனுக்கு கடுமையான தட்டுப்பாடு ஏற்பட்டுள்ளது.
வாடிக்கையாளர்களின் எதிர்பார்ப்பை பூர்த்தி செய்யும் விதமாக சியோமி நிறுவனம் தனது போகோ எஃப்1 ஸ்மார்ட்போனினை ஆஃப்லைனில் விற்பனை செய்ய முடிவு செய்துள்ளது. அந்த வகையில் அக்டோபர் 13 (இன்று) முதல் போகோ எஃப்1 ஸ்மார்ட்போன் சியோமியின் அதிகாரப்பூர்வ Mi ஹோம் ஸ்டோர்களில் கிடைக்கிறது.
இதைத் தொடர்ந்து சியோமியின் கூட்டு விற்பனை மையங்களில் அக்டோபர் 17-ம் தேதி முதல் கிடைக்கும் என அறிவிக்கப்பட்டுள்ளது. இதுவரை சியோமி போகோ எஃப்1 ஸ்மார்ட்போன் பிளிப்கார்ட் மற்றும் Mi அதிகாரர்பூர்வ வலைதளத்தில் விற்பனை செய்யப்படுகிறது. தீபாவளி பண்டிகையை முன்னிட்டு போகோ பிரான்டு இந்தியர்கள் மத்தியில் பிரபலப்படுத்த சியோமி முடிவு செய்துள்ளது.
ஆகஸ்டு மாதத்தில் இந்திய சந்தையில் அறிமுகமான போகோ எஃப்1 ஸ்மார்ட்போன் 6ஜி.பி. ரேம்/64 ஜி.பி. மெமரி, 6ஜி.பி. ரேம்/128 ஜி.பி. மெமரி, 8ஜி.பி. ரேம்/256 ஜி.பி. மெமரி என மூன்று வேரியன்ட்களில் கிடைக்கிறது.
சியோமியின் போகோ எஃப்1 ஸ்மார்ட்போன் ஸ்னாப்டிராகன் 845 பிராசஸர் கொண்டு இயங்குகிறது, இதே பிராசஸர் ஒன்பிளஸ் 6, சாம்சங் கேலக்ஸி நோட் 9 மற்றும் பல்வேறு இதர ஃபிளாக்ஷிப் ஸ்மார்ட்போன் மாடல்களில் வழங்கப்பட்டுள்ளது.
போகோ எஃப்1 சிறப்பம்சங்கள்:
- 6.18 இன்ச் 2246x1080 பிக்சல் ஃபுல் ஹெச்.டி. பிளஸ் 19:9 2.5D வளைந்த கிளாஸ் டிஸ்ப்ளே
- ஆக்டா-கோர் குவால்காம் ஸ்னாப்டிராகன் 845 சிப்செட்
- அட்ரினோ 630 GPU
- 4 ஜிபி / 6 ஜிபி / 8 ஜிபி ரேம்
- 64 ஜிபி / 128 ஜிபி / 256 ஜிபி (UFS 2.1) மெமரி
- மெமரியை கூடுதலாக நீட்டிக்கும் வசதி
- ஆன்ட்ராய்டு 8.1 ஓரியோ மற்றும் MIUI 9
- ஹைப்ரிட் டூயல் சிம் ஸ்லாட்
- 12 எம்பி பிரைமரி கேமரா, டூயல் எல்இடி ஃபிளாஷ், 1.4μm பிக்சல், சோனி IMX363 சென்சார்
- 5 எம்பி இரண்டாவது பிரைமரி கேமரா, சாம்சங் சென்சார்
- 20 எம்பி செல்ஃபி கேமரா, எல்இடி ஃபிளாஷ்
- கைரேகை சென்சார், ஐ.ஆர். ஃபேஸ் அன்லாக்
- 3.5 எம்எம் ஆடியோ ஜாக், டிராக் ஹெச்.டி., டூயல் ஸ்மார்ட் PA
- டூயல் 4ஜி வோல்ட்இ, வைபை, ப்ளூடூத், யுஎஸ்பி டைப்-சி
- 4000 எம்.ஏ.ஹெச். பேட்டரி
- குவால்காம் க்விக் சார்ஜ் 3.0 ஃபாஸ்ட் சார்ஜிங்
போகோ எஃப்1 ஸ்மார்ட்போன் பிளாக், ஸ்டீல் புளு மற்றும் ரோஸோ ரெட் போன்ற நிறங்களிலும், ஆர்மர்டு எடிஷன் மாடலும் கிடைக்கிறது. இவற்றுடன் சாஃப்ட் கேஸ் ஒன்றும் வழங்கப்படுகிறது.
போகோ எஃப்1 6 ஜிபி ரேம் + 64 ஜிபி மெமரி மாடல் ரூ.20,999, போகோ எஃப்1 6 ஜிபி ரேம் + 128 ஜிபி மெமரி மாடல் ரூ.23,999, போகோ எஃப்1 8 ஜிபி ரேம் + 256 ஜிபி மெமரி மாடல் ரூ.28,999, போகோ எஃப்1 8 ஜிபி ரேம் + 256 ஜிபி மெமரி மாடல் கெவ்லர் ஆர்மர்டு எடிஷன் ரூ.29,999 என நிர்ணயம் செய்யப்பட்டுள்ளது.
