ஹாங் காங்கை சேர்ந்த டெக்னோ மொபைல் நிறுவனம் இந்தியாவில் புதிய ஸ்மார்ட்போனினை பட்ஜெட் விலையில் அறிமுகம் செய்துள்ளது.
டெக்னோ கேமான் ஐகிளிக் 2 என அழைக்கப்படும் புதிய ஸ்மார்ட்போனில் 6.2 இன்ச் ஹெச்.டி. பிளஸ் ஸ்கிரீன், 19:9 சூப்பர் ஃபுல் வியூ நாட்ச் டிஸ்ப்ளே, 24 எம்.பி. ஏ.ஐ. செல்ஃபி கேமரா மற்றும் ஏ.ஐ. ஃபேஸ் அன்லாக் வசதி வழங்கப்பட்டுள்ளது.
டெக்னோ கேமான் ஐகிளிக் 2 ஸ்மார்ட்போன் மீடியாடெக் ஹீலியோ P22 பிராசஸர், 4 ஜி.பி. ரேம் மற்றும் 64 ஜி.பி. மெமரி வழங்கப்பட்டுள்ளது. அழகிய செல்ஃபிக்களை எடுக்க 24 எம்.பி். செல்ஃபி கேமரா, 1.8um பிக்சல், f/2.0 மற்றும் முன்பக்க ஃபிளாஷ் வசதி வழங்கப்பட்டுள்ளது. இத்துடன் ஆப்டிமைஸ் செய்யப்பட்ட ஏ.ஐ. பியூட்டி அம்சம் வழங்கப்பட்டுள்ளது. இதனால் செல்ஃபிக்கள் அதிக இயற்கையாக காட்சியளிக்கும்.
பின்புறம் 13 எம்.பி. பிரைமரி கேமரா, f/1.8, 5 எம்.பி. இரண்டாவது பிரைமரி கேமரா, ஏ.ஐ. போக்கெ மற்றும் சூப்பர் பிக்சல் மோட் உள்ளிட்டவை வழங்கப்பட்டுள்ளது.
டெக்னோ கேமான் ஐகிளிக் 2 சிறப்பம்சங்கள்:
- 6.2 இன்ச் 1500x720 பிக்சல் ஹெச்.டி. பிளஸ் டிஸ்ப்ளே
- கிளாஸ் ஃபினிஷ் செய்யப்பட்ட 3D பேக் கவர்
- 2.0 ஜிகாஹெர்ட்ஸ் ஆக்டா-கோர் மீடியாடெக் ஹீலியோ P22 பிராசஸர்
- 4 ஜி.பி. DDR4 ரேம்
- 64 ஜி.பி. மெமரி
- மெமரியை கூடுதலாக நீட்டிக்கும் வசதி
- ஹை ஓ.எஸ். 4.1 சார்ந்த ஆன்ட்ராய்டு 8.1
- டூயல் சிம் ஸ்லாட்
- 13 எம்.பி. பிரைமரி கேமரா, F/1.8
- 5 எம்.பி. இரண்டாவது பிரைமரி கேமரா, எல்.இ.டி. ஃபிளாஷ், f/2.4
- 24 எம்.பி. செல்ஃபி கேமரா, 1.8um பிக்சல், f/2.0
- கைரேகை சென்சார், ஏ.ஐ. ஃபேஸ் அன்லாக்
- டூயல் 4ஜி வோல்ட்இ, வைபை, ப்ளுடூத்
- 3750 எம்.ஏ.ஹெச். பேட்டரி
டெக்னோ கேமான் ஐகிளிக் 2 ஸ்மார்ட்போன் அக்வா புளு, ஹவாய் புளு மற்றும் மிட்நைட் பிளாக் என மூன்று வித நிறங்களில் கிடைக்கிறது.
இந்தியாவில் ஐகிளிக் 2 விலை ரூ.13,499 என நிர்ணயம் செய்யப்பட்டுள்ளது. இதன் விற்பனை இந்த வாரம் துவங்குகிறது. பயனர்கள் ஐகிளிக் 2 ஸ்மார்ட்போனினை இந்தியா முழுக்க சுமார் 35,000-க்கும் அதிக விற்பனையகங்களில் வாங்க முடியும். #CamoniClick2 #smartphone
