அமேசான் மற்றும் பி.எஸ்.என்.எல். நிறுவனங்களின் புதிய ஒப்பந்தத்தின் படி தேர்வு செய்யப்பட்ட போஸ்ட்பெயிட் மற்றும் பிராட்பேன்ட் வாடிக்கையாளர்களுக்கு ஒரு வருடத்திற்கான அமேசான் பிரைம் சந்தா இலவசமாக வழங்கப்படுகிறது. முன்னதாக ஏர்டெல் நிறுவனமும் இதேபோன்ற சலுகையை தேர்வு செய்யப்பட்ட போஸ்ட்பெயிட் பயனர்களுக்கு அறிவித்தது.
பி.எஸ்.என்.எல். நிறுவன போஸ்ட்பெயிட் சலுகைகளில் ரூ.399 மற்றும் அதற்கும் அதிக தொகையிலோ அல்லது ரூ.745 மற்றும் அதற்கும் அதிக விலையில் கிடைக்கும் பிராட்பேன்ட் லேன்ட்லைன் சலுகைகளை தேர்வு செய்யும் போது ஒரு வருடத்திற்கு அமேசான் பிரைம் சந்தா எவ்வித கூடுதல் கட்டணமும் இன்றி வழங்கப்படுகிறது.
ஸ்மார்ட்போனில் பிரைம் வீடியோ ஆப் டவுன்லோடு செய்யப்பட்டதும் அமேசான் பிரைம் சந்தாவை பி.எஸ்.என்.எல். வலைதளம் மூலம் ஆக்டிவேட் செய்து கொள்ளலாம். பிரைம் சந்தா மூலம் பிரைம் மியூசிக் சேவையையும் இலவசமாக வழங்குகிறது. இதனையும் ஆப் டவுன்லோடு செய்து ஆக்டிவேட் செய்யலாம்.
சலுகைக்கு தகுந்த வாடிக்கையாளர்கள் அமேசான் பிரைம் வீடியோ சந்தாவிற்கு பி.எஸ்.என்.எல். ரூ.399 மற்றும் அதற்கும் அதிக விலையுள்ள போஸ்ட்பெயிட் சலுகை லேன்ட்லைன் பிராட்பேன்ட் சலுகையில் ரூ.745 மற்றும் அதற்கும் அதிக விலையுள்ள சலுகைக்கு அப்கிரேடு செய்ய பி.எஸ்.என்.எல். வலைதளத்திற்கு சென்ற பி.எஸ்.என்.எல். - அமேசான் விளம்பர பேனரை கிளிக் செய்து ஆக்டிவேட் செய்யலாம்.
அமேசான் பிரைம் இலவச சந்தாவை ஆக்டிவேட் செய்யும் போது மொபைல் நம்பர் மற்றும் ஒரு முறை பயன்படுத்தக்கூடிய கடவுச்சொல் மூலம் உறுதிப்படுத்த வேண்டும்.
