சாம்சங் நிறுவனம் நியூ யார்க் நகரில் நேற்று அறிமுகம் செய்த கேலக்ஸி நோட் 9 ஸ்மார்ட்போனின் இந்திய விலை அறிவிக்கப்பட்டது. மேலும் இதற்கான முன்பதிவுகளும் துவங்கியுள்ளது.
அதன்படி கேலக்ஸி நோட் 9 ஸ்மார்ட்போனினை முன்பதிவு செய்வோர் சாம்சங் கியர் ஸ்போர்ட் ஸ்மார்ட்வாட்ச் சாதனத்தை ரூ.4,999 விலையில் வாங்கிட முடியும். இதன் உண்மை விலை ரூ.22,990 என்பது குறிப்பிடத்தக்கது.
கேலக்ஸி நோட் 9 ஸ்மார்ட்போன் மிட்நைட் பிளாக், ஓசன் புளு மற்றும் மெட்டாலிக் காப்பர் (128 ஜிபி மட்டும்) போன்ற நிறங்களில் கிடைக்கிறது. கேலக்ஸி நோட் 9 (6 ஜிபி ரேம், 128 ஜிபி மெமரி) மாடலின் விலை ரூ.67,900 என்றும் 8 ஜிபி ரேம், 512 ஜிபி மெமரி மாடலின் விலை ரூ.84,900 என நிர்ணயம் செய்யப்பட்டுள்ளது.
சாம்சங் ஆன்லைன் தளத்தில் இன்று (ஆகஸ்டு 10) முதல் முன்பதிவு துவங்கப்பட்டிருக்கும் நிலையில் ஆகஸ்டு 21-ம் தேதி வரை முன்பதிவு செய்யலாம். கேலக்ஸி நோட் 9 விநியோகம் ஆகஸ்டு 20-ம் தேதி முதல் துவங்கும் என சாம்சங் அறிவித்துள்ளது. விரைவில் அமேசான் மற்றும் ப்ளிப்கார்ட் தளங்களிலும் கேலக்ஸி நோட் 9 முன்பதிவுகள் துவங்கலாம் என எதிர்பார்க்கப்படுகிறது.
அறிமுக சலுகைகள்:
- பேடிஎம் தளத்தில் கேலக்ஸி நோட் 9 வாங்கும் போது ரூ.6000 வரை கேஷ்பேக்
- தேர்வு செய்யப்பட்ட வங்கி கார்டு பயன்படுத்தினால் ரூ.6000 கேஷ்பேக்
- சாம்சங் அப்கிரேடு சலுகையின் கீழ் பழைய நோட் 9 ஸ்மார்ட்போனை கொடுத்து ரூ.6000 அப்கிரேடு போனஸ் பெறலாம்
சாம்சங் கேலக்ஸி நோட் 9 சிறப்பம்சங்கள்:
– 6.4 இன்ச் குவாட் ஹெச்.டி. பிளஸ் 2960×1440 பிக்சல் சூப்பர் AMOLED இன்ஃபினிட்டி டிஸ்ப்ளே
– கார்னிங் கொரில்லா கிளாஸ்
– ஆக்டா-கோர் குவால்காம் ஸ்னாப்டிராகன் 845 சிப்செட், அட்ரினோ 630 GPU
– ஆக்டா-கோர் சாம்சங் எக்சைனோஸ் 9810 பிராசஸர், மாலி G72MP18 GPU
– 6 ஜிபி ரேம், 128 ஜிபி மெமரி
– 8 ஜிபி ரேம், 512 ஜிபி மெமரி
– மெமரியை நீட்டிக்கும் வசதி
– ஆன்ட்ராய்டு 8.1 (ஓரியோ)
– சிங்கிள் / ஹைப்ரிட் டூயல் சிம் ஸ்லாட்
– 12 எம்பி பிரைமரி கேமரா, f/2.4-f/1.5, எல்.இ.டி. ஃபிளாஷ், 960fps சூப்பர் ஸ்லோ-மோ
– 12 எம்பி இரண்டாவது பிரைமரி கேமரா, f/2.4
– 8 எம்பி ஆட்டோஃபோகஸ் செல்ஃபி கேமரா, f/1.7
– வாட்டர் மற்றும் டஸ்ட் ரெசிஸ்டண்ட் (IP68)
– ஸ்டீரியோ ஸ்பீக்கர், டால்பி அட்மோஸ்
– BLE எஸ் பென்
– 4ஜி வோல்ட்இ, வைபை, ப்ளூடூத், யு.எஸ்.பி. 3.1
– 4000 எம்.ஏ.ஹெச். பேட்டரி
- வயர் மற்றும் வயர்லெஸ் ஃபாஸ்ட் சார்ஜிங்
