என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
தொழில்நுட்பம்
X
ஜூன் 7-இல் இந்தியா வரும் சியோமி ஸ்மார்ட்போன்
Byமாலை மலர்15 May 2018 5:58 AM GMT (Updated: 15 May 2018 5:58 AM GMT)
சியோமி நிறுவனத்தின் புதிய ஸ்மார்ட்போன் ஜூன் 7-ம் தேதி இந்தியாவில் அறிமுகம் செய்யப்பட இருப்பதாக அறிவிக்கப்பட்டுள்ளது.
புதுடெல்லி:
சியோமி நிறுவனத்தின் ரெட்மி எஸ் சீரிஸ் முதல் ஸ்மார்ட்போன் சீனாவில் கடந்த வாரம் அறிமுகம் செய்யப்பட்டது. இதே ஸ்மார்ட்போன் இந்தியாவில் ரெட்மி வை சீரிஸ் பெயரில் அறிமுகம் செய்யப்படலாம் என எதிர்பார்க்கப்படுகிறது.
ரெட்மி இந்தியாவின் சமீபத்திய ட்விட் புதிய ரெட்மி ஸ்மார்ட்போனின் இந்திய வெளியீடு குறித்து தகவல்களை கொண்டிருக்கிறது. புதிய ட்வீட் ஸ்மார்ட்போனின் விவரங்களை அதிகம் தெரியப்படுத்தவில்லை என்றாலும், தலைசிறந்த செல்ஃபி கேமரா கொண்டிருக்கும் என்ற உறுதியை வழங்கியுள்ளது. இதேபோன்று சீனாவில் ரெட்மி எஸ்2 ஸ்மார்ட்போனிற்கும் சிறந்த செல்ஃபி ஸ்மார்ட்போன் என்ற தலைப்பு வழங்கப்பட்டது.
ரெட்மி எஸ்2 ஸ்மார்ட்போனில் அதிகப்படியான செயற்கை நுண்ணறிவு அம்சங்கள் வழங்கப்பட்டு இருக்கிறது. இந்த ஸ்மார்ட்போன் அசுஸ் சென்ஃபோன் மேக்ஸ் ப்ரோ எம்1 மற்றும் ஹானர் 9 லைட் உள்ளிட்ட மாடல்களுக்கு போட்டியாக அமைந்துள்ளது.
ரெட்மி இந்தியா ட்விட்டரில் பதிவிடப்பட்டு இருக்கும் ட்வீட் ஜூன் 7-ம் தேதி நடைபெற இருக்கும் விழாவில் புதிய ரெட்மி ஸ்மார்ட்போன் அறிமும் செய்யப்பட இருப்பதை தெரிவிக்கிறது. இத்துடன் #FindYourSelfie மற்றும் #RealYou ஹேஷ்டேக்-களை கொண்டிருக்கிறது. மேலும் ட்வீட்டில் Y என்ற வார்த்தை அடையாளப்படுத்தப்பட்டிருக்கிறது. இவை ரெட்மி வை2 ஸ்மார்ட்போன் வெளியிடப்படலாம் என்ற எதிர்பார்ப்பை ஏற்படுத்தியுள்ளது.
சியோமி ரெட்மி எஸ்2 சிறப்பம்சங்கள்:
- 5.99 இன்ச் 1440x720 பிக்சல் ஹெச்டி பிளஸ் 18:9 2.5D வளைந்த கிளாஸ் டிஸ்ப்ளே
- 2.0 ஜிகாஹெர்ட்ஸ் ஆக்டாகோர் ஸ்னாப்டிராகன் 625 சிப்செட்
- அட்ரினோ 506 GPU
- 3 ஜிபி / 4 ஜிபி ரேம்
- 32 ஜிபி / 64 ஜிபி இன்டெர்னல் மெமரி
- மெமரியை கூடுதலாக நீட்டிக்கும் வசதி
- ஆன்ட்ராய்டு 8.1 மற்றும் MIUI 9
- டூயல் சிம் ஸ்லாட்
- 12 எம்பி + 5 எம்பி பிரைமரி கேமரா
- 16 எம்பி செல்ஃபி கேமரா, எல்இடி ஃபிளாஷ்
- கைரேகை சென்சார், இன்ஃப்ராரெட் சென்சார்
- 4ஜி வோல்ட்இ, வைபை, ப்ளூடூத்
- 3000 எம்ஏஹெச் பேட்டரி
சியோமி ரெட்மி எஸ்2 ஸ்மார்ட்போன் கிரே, ரோஸ் கோல்டு, ஷேம்பெயின் கோல்டு மற்றும் பிளாட்டினம் சில்வர் நிறங்களில் கிடைக்கிறது. சீனாவி்ல் 3 ஜிபி ரேம் கொண்ட ரெட்மி எஸ்2 ஸ்மார்ட்போன் 999 யுவான் (இந்திய மதிப்பில் ரூ.10,560) என்றும் 4 ஜிபி ரேம் கொண்ட மாடல் 1299 யுவான் (இந்திய மதிப்பில் ரூ.13,735) என நிர்ணயம் செய்யப்பட்டுள்ளது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X